Adlezenn 26:17 - Bibl Koad 21: Ar Bibl e Brezhoneg evit ar Vretoned

¹⁷ Lakaet ec'h eus an AOTROU da lavarout hiziv e vo da Zoue, hag e kerzhi en e hentoù, hag e viri e reolennoù, e c'hourc'hemennoù hag e varnedigezhioù, hag e senti ouzh e vouezh.

Adlezenn 26:17 Referencias Cruzadas

Geneliezh 28:21

ha ma tistroan e peoc'h da di va zad, an AOTROU a vo va Doue

2 Danevelloù 34:31

Ar roue en em zalc'has war e leurenn, hag a reas emglev dirak an AOTROU, da gerzhout war-lerc'h an AOTROU, ha da virout e c'hourc'hemennoù, e destenioù hag e reolennoù, a holl galon hag a holl ene, en ur ober hervez komzoù an emglev skrivet el levr-se.

Salmoù 48:14

eveshait he moger-difenn, sellit pizh ouzh he falezioù, evit o disklêriañ d'ar rummad da zont.

Ermaeziadeg 15:2

An AOTROU eo va nerzh ha va meuleudi. Bet eo va dieuber. Va Doue eo, e veuliñ a rin. Doue va zad eo, e ganmeuliñ a rin.

Ermaeziadeg 19:8

An holl bobl a-unvan a respontas hag a lavaras: Kement en deus lavaret an AOTROU a raimp. Moizez a zezrevellas komzoù ar bobl d'an AOTROU .

Ermaeziadeg 20:19

Hag e lavarjont da Voizez: Komz ouzhimp te da-unan, ha ni a selaouo, met ra ne gomzo ket Doue ouzhimp gant aon na varvimp.

Ermaeziadeg 24:7

Kemer a reas levr an emglev hag e lennas anezhañ d'ar bobl. Int a selaouas, hag e lavarjont: Ni a raio kement en deus lavaret an AOTROU , hag e sentimp.

Izaia 12:2

Setu, Doue eo va silvidigezh. Fiziañs am bo ha ne'm bo ket aon, an AOTROU, an AOTROU, eo va nerzh ha va meuleudi, ha bet eo va Salver.

Izaia 44:5

Unan a lavaro: Me a zo d'an AOTROU. Unan all a lavaro: Me a zo da Jakob. Unan all a skrivo gant e zorn: D'an AOTROU, hag e vo lesanvet dre anv Israel.

Zakaria 13:9

An drederenn-se a lakain da dremen en tan, o furaat a rin evel ma vez puraet an arc'hant, o amprouiñ evel ma vez amprouet an aour. Ar re-se a c'halvo va anv, ha me a selaouo outo, hag e lavarin: Va fobl! Hag e lavarint: An AOTROU eo va Doue.

Actou an Ebestel 27:23

Rak un ael a-berzh an Doue ez on dezhañ hag emaon o servijañ a zo en em ziskouezet din en noz-mañ

Romaned 6:13

Na roit ket hoc’h izili d’ar pec’hed evit bezañ binvioù a zireizhder, met en em roit hoc’h-unan da Zoue evel tud deuet eus ar marv d’ar vuhez, ha roit hoc’h izili evel binvioù a reizhder evit Doue.

2 Korintiz 8:5

N’o deus ket zoken graet evel ma esperemp, met en em roet int da gentañ d’an Aotrou, ha neuze deomp-ni dre volontez Doue,

Adlezenn 13:18

pa ec'h eus sentet ouzh mouezh an AOTROU da Zoue, o virout e holl c'hourc'hemennoù a gemennan dit hiziv, hag oc'h ober ar pezh a zo reizh dirak daoulagad an AOTROU da Zoue.

Adlezenn 15:5

gant ma senti ouzh mouezh an AOTROU da Zoue, o virout an holl c'hourc'hemennoù a gemennan dit hiziv hag oc'h ober diouto.

Adlezenn 27:10

Sentiñ a ri ouzh mouezh an AOTROU da Zoue, hag e ri diouzh e c'hourc'hemennoù hag e reolennoù a gelennan dit hiziv.

Adlezenn 29:12

evit mont e-barzh emglev an AOTROU da Zoue, a ra gant le an AOTROU da Zoue ganit hiziv,

Adlezenn 30:16

Gourc'hemenn a ran dit hiziv karout an AOTROU da Zoue, kerzhout en e hentoù, mirout e c'hourc'hemennoù, e reolennoù hag e varnedigezhioù, evit ma vevi ha ma kreski, hag e vennigo ac'hanout an AOTROU da Zoue er vro ma'z ez e-barzh d'he ferc'hennañ.

Jozue 22:5

Eveshait da virout ar gourc'hemennoù hag al lezenn en deus roet deoc'h Moizez servijer an AOTROU ha grit diouto, karit an AOTROU ho Toue, kerzhit en e holl hentoù, mirit e c'hourc'hemennoù, en em stagit outañ, servijit anezhañ eus hoc'h holl galon hag eus hoc'h holl ene.

Jozue 24:22

Jozue a lavaras d'ar bobl: Testoù ez oc'h a-enep deoc'h, penaos hoc'h eus dibabet hoc'h-unan an AOTROU evit e servijañ. Hag e lavarjont: Testoù omp!