Adlezenn 26:15 - Bibl Koad 21: Ar Bibl e Brezhoneg evit ar Vretoned

¹⁵ Sell eus da chomlec'h santel, eus an neñvoù, bennig da bobl Israel hag ar vro ac'h eus roet deomp, evel ma'z poa touet d'hon tadoù, ur vro a zever gant laezh ha mel.

Adlezenn 26:15 Referencias Cruzadas

1 Rouaned 8:27

Ha gwir e vefe e chomfe Doue war an douar? Setu, an neñvoù, zoken neñvoù an neñvoù ne c'hellont ket da genderc'hel, pegement nebeutoc'h an ti-mañ am eus savet dit?

1 Rouaned 8:43

selaou anezhañ eus an neñvoù, eus al lec'h emaout o chom, ha gra kement a c'houlenno an diavaeziad-se diganit, evit ma'c'h anavezo holl bobloù an douar da anv, ma toujint ac'hanout evel da bobl Israel, ha ma ouezint ez eo da anv galvet war an ti-mañ am eus savet.

2 Danevelloù 30:27

Goude-se an aberzhourien Levited a savas hag a vennigas ar bobl, hag o mouezh a voe klevet, hag o fedenn a yeas betek an neñvoù, chomlec'h santel an AOTROU.

Salmoù 28:9

Savete da bobl ha bennig da hêrezh, ren hag harp anezho da viken!

Salmoù 51:18

Rak ne gavez ket plijadur en aberzhoù, anez e rofen dit. Met al loskaberzhoù ne blijont ket dit.

Salmoù 68:5

Kanit da Zoue, meulit e anv, kempennit hent an hini a zeu er plaenennoù! An AOTROU eo e anv, laouenait dirazañ!

Salmoù 80:14

ma'z eo distrujet gant moc'h-gouez ar goadeg, peuret gant loened ar parkeier?

Salmoù 80:15

Doue an armeoù, deus en-dro! Sell eus an neñvoù, gwel hag evesha ouzh ar winienn-mañ.

Salmoù 90:17

Ra vo madelezh an AOTROU hon Doue warnomp! Starta oberenn hon daouarn, ya, starta oberenn hon daouarn.

Izaia 57:15

Evel-henn e komz an Uhel-Meurbet, hag a zo o chom er beurbadelezh, hag a zo santel e anv: Emaon o chom en ul lec'h uhel ha santel, hag ivez gant an den glac'haret hag uvel a spered, evit bevaat spered ar re zilorc'h hag evit bevaat kalon ar re c'hlac'haret.

Izaia 61:1

Spered an Aotrou AOTROU a zo warnon, setu perak en deus va olevet an AOTROU evit prezeg ar c'heloù mat d'ar beorien. Kaset en deus ac'hanon evit yac'haat ar re o deus ar galon flastret, evit embann an dieubidigezh d'ar re zalc'het hag ar frankiz d'ar re doullbac'het,

Izaia 63:15

Sell eus an neñvoù ha gwel eus da chomlec'h santel ha glorius: Pelec'h emañ da c'hred ha da nerzh, estlamm da galon ha da drugarez em c'heñver? Hag e vefent en em dennet?

Jeremiaz 31:23

Evel-henn e komz AOTROU an armeoù, Doue Israel: Lavaret e vo c'hoazh ar gomz-mañ e bro Juda hag en he c'hêrioù, pa em bo degaset en-dro o re zalc'het: Ra'z pennigo an AOTROU, o chomlec'h ar reizhder ha menez ar santelezh!

Zakaria 2:13

Ra davo pep kig dirak an AOTROU! Rak dihunet eo er-maez eus e chomadur santel.

Mazhev 6:9

C’hwi eta, pedit evel-henn: Hon Tad hag a zo en neñv, ra vo santelaet da anv,

Actou an Ebestel 7:49

An neñv eo va zron hag an douar ur skabell dindan va zreid. Peseurt ti a savot din, eme an Aotrou, ha pehini a vo lec’h va diskuizh.?

Adlezenn 1:8

Setu, lakaet em eus ar vro dirazoc'h, kit ha dalc'hit ar vro en doa touet an AOTROU reiñ d'ho tadoù, da Abraham, da Izaak, da Jakob ha d'o lignez war o lerc'h.

Adlezenn 26:14

ne'm eus debret netra pa oan e kañv, ne'm eus lamet netra evit un implij dic'hlan, ne'm eus roet netra evit ur marv, sentet em eus ouzh mouezh an AOTROU va Doue, graet em eus hervez ar pezh ac'h eus gourc'hemennet din.

Adlezenn 26:7

Kriet hon eus d'an AOTROU, Doue hon tadoù. An AOTROU a glevas hor mouezh hag a welas hor glac'har, hor poanioù hag hor gwask.

Adlezenn 26:9

Kaset en deus ac'hanomp d'al lec'h-mañ, ha roet en deus deomp ar vro-mañ, a zever gant laezh ha mel.

Adlezenn 6:3

Selaou a ri eta, Israel, hag ec'h eveshai ma vo graet diouto, evit ma vi eürus ha ma kreskot meurbet, evel m'en deus lavaret an AOTROU, Doue da dadoù, er vro a zever gant laezh ha mel.