Adlezenn 24:19 - Bibl Koad 21: Ar Bibl e Brezhoneg evit ar Vretoned

¹⁹ Pa ri da eost e-barzh da bark hag az po ankounac'haet ur feskenn er park, ne zistroi ket d'he c'herc'hat, evit an diavaeziad, evit an emzivad hag evit an intañvez e vo, evit ma vennigo ac'hanout an AOTROU da Zoue e kement a ri gant da zaouarn.

Adlezenn 24:19 Referencias Cruzadas

Levr Job 42:12

An AOTROU a vennigas amzer diwezhañ Job muioc'h eget e amzer gentañ. Hag e perc'hennas pevarzek mil dañvad, c'hwec'h mil kañval, mil koublad ejened ha mil azenez.

Salmoù 112:9

Skuilhet en deus, roet en deus d'ar beorien, e reizhder a bad da viken hag e benn a sav gant gloar.

Krennlavarioù 14:21

An hini a zispriz e nesañ a ra ur pec'hed, met an hini en deus truez ouzh ar re c'hlac'haret a zo eürus.

Krennlavarioù 19:17

An hini en deus truez ouzh ar paour a brest d'an AOTROU, hag eñ a rento dezhañ e vadober.

Izaia 32:8

Met an denjentil en deus mennadoù jentil, hag e kendalc'ho gant oberennoù jentil.

Leviegezh 23:22

Pa reot an eost en ho pro, ne echui ket da vediñ penn da bark ha ne zastumi ket ar pezh a vo manet da zañvouesa en da eost. Lezel a ri kement-se evit ar paour hag evit an diavaeziad. Me eo an AOTROU ho Toue.

Sant Lucas 6:35

Met karit hoc’h enebourien, grit vad ha prestit hep gortoz netra, hag ho kopr a vo bras, ha c’hwi a vo mibien an Uhel-Meurbet, abalamour ma’z eo mat e-keñver ar re zizanaoudek hag ar re fall.

Sant Lucas 6:38

Roit hag e vo roet deoc’h, roet e vo deoc’h en ho kerc’henn ur muzul mat, stardet hag hejet, a zeuio dreist ar barr. Rak muzuliet e vo deoc’h gant an hevelep muzul ma vuzuilhit d’ar re all.

Adlezenn 14:29

Dont a raio al Leviad, n'en deus na lodenn na hêrezh ganit, an diavaeziad, an emzivad hag an intañvez a vo e-barzh da zorojoù, hag e tebrint hag o devo o gwalc'h, evit ma vennigo ac'hanout an AOTROU da Zoue e kement labour a ri gant da zaouarn.

Adlezenn 15:10

A-dra-sur e roi dezhañ, ha da galon ne vo ket dilaouen, rak abalamour da-se an AOTROU da Zoue a vennigo ac'hanout ez holl labourioù, e kement a ri gant da zaouarn.

Adlezenn 24:18

Dalc'h soñj ez out bet sklav e bro Ejipt, hag en deus dasprenet ac'hanout an AOTROU da Zoue, setu perak e c'hourc'hemennan dit ober an traoù-se.

Adlezenn 26:13

Hag e lavari dirak an AOTROU da Zoue: Lamet em eus ar pezh a zo santelaet eus va zi, roet em eus anezhañ d'al Leviad, d'an diavaeziad, d'an emzivad ha d'an intañvez, hervez an holl c'hourc'hemennoù ac'h eus kemennet din, ne'm eus torret netra na ankounac'haet hini eus da c'hourc'hemennoù,

Levr Rud 2:16

hag ivez e lezot a-ratozh un nebeud dornadoù eviti, hag hi a c'hello o zañvouezañ ha ne c'hourdrouzot ket anezhi. 17 Tañvouezañ a reas eta er park betek an abardaez, hag e tornas ar pezh he doa dastumet, hag e voe war-dro un efa heiz.

Levr Rud 2:2

Rud, ar plac'h eus Moab, a lavaras da Naomi: Lez ac'hanon da vont d'ar parkeier ha da zastum tañvouez war-lerc'h an hini a gavfen trugarez ouzh e zaoulagad. Hi a lavaras: Kae va merc'h!