Adlezenn 23:16 - Bibl Koad 21: Ar Bibl e Brezhoneg evit ar Vretoned

¹⁶ Chom a raio ganit, ez touez, el lec'h a zibabo en unan eus da gêrioù, ne heskini ket anezhañ.

Adlezenn 23:16 Referencias Cruzadas

Ermaeziadeg 22:21

Ne wallgasi ket an diavaeziad ha n'en mac'hi ket, rak c'hwi a zo bet ivez diavaezidi e bro Ejipt.

Ermaeziadeg 23:9

Ne vac'hi ket an diavaeziad; anavezout a rit hoc'h-unan kalon an diavaeziad, rak c'hwi a zo bet ivez diavaezidi e bro Ejipt.

Krennlavarioù 22:22

Na ziwisk ket ar paour dre ma'z eo paour, ha na wask ket an ezhommeg ouzh da zor,

Jeremiaz 7:6

na rit ket gaou ouzh an diavaeziad, ouzh an emzivad, ouzh an intañvez, na skuilhit ket el lec'h-mañ ar gwad didamall, n'it ket war-lerc'h an doueoù all evit ho tistruj,

Zakaria 7:10

na waskit ket an intañvez, an emzivad, an diavaeziad, ar paour, n'ijinit ket en ho kalon an droug an eil a-enep egile.

Malaki 3:5

Hag e tostain ouzhoc'h evit ar varnedigezh, hag ec'h hastin testeniañ a-enep ar sorserien, a-enep an avoultrerien, a-enep ar re a dou e gaou, ar re a zalc'h gopr al labourer, a wask an intañvez hag an emzivad, a noaz d'an diavaeziad, ha na zouj ket ac'hanon, eme AOTROU an armeoù.

S. Jakes 2:6

C’hwi er c’hontrol, a zispriz ar paour! Ha n’eo ket ar re binvidik eo ar re a wask ac’hanoc’h hag a stlej ac’hanoc’h dirak al lezioù-barn?