Adlezenn 21:21 - Bibl Koad 21: Ar Bibl e Brezhoneg evit ar Vretoned

²¹ Holl dud kêr a veinataio anezhañ hag e varvo. Evel-se e vo lamet an droug diouzh da greiz, evit ma klevo ha ma toujo holl Israel.

Adlezenn 21:21 Referencias Cruzadas

2 Samuel 18:17

Kemer a rejont Absalom, hag en taoljont er goadeg en un toull bras, hag e lakajont warnañ ur bern mein bras-meurbet. Holl Israel a dec'has, pep hini d'e deltenn.

Ermaeziadeg 21:17

An hini a villigo e dad pe e vamm a vo lakaet d'ar marv.

Krennlavarioù 30:17

Lagad an hini a ra goap ouzh e dad hag a zispriz kelennoù e vamm, a vo toullet gant brini an traoñ, ha re vihan an erer a zebro anezhañ.

Leviegezh 20:2

Lavar da vibien Israel: Piv bennak, eus mibien Israel pe eus an diavaezidi a zo o chom en Israel, a roio eus e vugale da Volok, a vo lakaet d’ar marv; meinataet e vo gant pobl ar vro.

Leviegezh 20:27

Mar en em ro un den pe ur vaouez da vezañ igromañser pe da c’hervel ar speredoù, lakaet e vint d’ar marv; meinataet e vint, o gwad a vo warno.

Leviegezh 24:14

Degas ar mallozher er-maez eus ar c’hamp, ha ma lakaio ar re o deus e glevet o daouarn war e benn; an holl vodadenn a veinataio anezhañ.

Leviegezh 24:16

An hini a vallozho anv an AOTROU a vo lakaet d’ar marv, an holl vodadenn a veinataio anezhañ; kenkoulz an diavaeziad evel an henvroad, pa vallozho an Anv, e vo lakaet d’ar marv.

Niveroù 15:25

An aberzhour a raio an dic'haou evit holl vodadenn mibien Israel, hag e vo pardonet dezho, rak diratozh e vo bet graet hag o devo degaset dirak an AOTROU o frof, ur prof graet dre an tan d'an AOTROU hag un aberzh-dic'haou dirak an AOTROU, abalamour d'an dra graet diratozh.

Niveroù 15:35

An AOTROU a lavaras da Voizez: An den-se a vo lakaet d'ar marv; ra veinataio anezhañ an holl vodadenn er-maez eus ar c'hamp.

Niveroù 15:36

An holl vodadenn a reas dezhañ mont er-maez eus ar c'hamp hag a veinataas anezhañ, hag e varvas, evel m'en doa gourc'hemennet an AOTROU da Voizez.

1 Korintiz 5:13

Diwar-benn re an diavaez, Doue o barn. Lamit an den fall eus ho touez.

Adlezenn 13:12

Pa glevi lavarout diwar-benn unan eus ar c'hêrioù en devo roet dit an AOTROU da Zoue evit chom enno:

Adlezenn 13:5

Met lakaet e vo d'ar marv ar profed-se pe an huñvreer-se, rak komzet en deus eus treiñ kein d'an AOTROU ho Toue en deus tennet ac'hanoc'h eus bro Ejipt hag en deus dasprenet ac'hanoc'h eus an ti sklavelezh, evit distreiñ ac'hanout eus an hent en deus gourc'hemennet an AOTROU da Zoue kerzhout warnañ. Evel-se e vo lamet an droug diouzh da greiz.

Adlezenn 13:6

Pa zougo ac'hanout d'an droug da vreur mab da vamm, pe da vab, pe da verc'h, pe da wreg war da vruched, pe da vignon a zo evel da ene, o lavarout e kuzh: Deomp ha servijomp doueoù all na'c'h eus ket anavezet, na te na da dadoù,

Adlezenn 17:5

e lakai da zont ouzh da zorojoù an den pe ar wreg a vo kablus da vezañ graet-se, hag e veinatai an den pe ar wreg d'ar marv.

Adlezenn 17:7

Dorn an testoù a vo warnañ da gentañ evit e lakaat d'ar marv, ha dorn an holl bobl goude. Evel-se e vo lamet an droug diouzh da greiz.

Adlezenn 21:20

hag e lavarint da henaourien kêr: Setu hor mab a zo fall ha disent, ne sent ket ouzh hor mouezh, en em ro d'an diroll ha d'ar mezventi.

Adlezenn 22:21

e tegasint ar plac'h yaouank ouzh dor ti he zad, hag e veinataio anezhi tud kêr, hag e varvo, rak graet he deus un euzhusted en Israel, o c'hastaouiñ e ti he zad. Evel-se e vo lamet an droug diouzh Israel.

Adlezenn 22:24

e tegasot o-daou ouzh dor kêr, hag e veinataiot anezho, hag e varvint, ar plac'h yaouank dre ma n'he deus ket kriet e kêr hag an den dre m'en deus dismegañset gwreg e nesañ. Evel-se e vo lamet an droug diouzh da greiz.