Adlezenn 20:8 - Bibl Koad 21: Ar Bibl e Brezhoneg evit ar Vretoned

⁸ An ofiserien a gendalc'ho da gomz ouzh ar bobl o lavarout: Piv en deus aon hag a zo digalon? Ra yelo kuit ha ma tistroio d'e di, gant aon na zeufe kalonoù e vreudeur da deuziñ evel e hini.

Adlezenn 20:8 Referencias Cruzadas

Ermaeziadeg 15:15

Neuze priñsed Edom a zo trubuilhet. Ur grenadenn a zo kroget en re c'halloudus Moab. Holl dud Kanaan a zizesper.

Krennlavarioù 24:10

Mar kollez kalon en deiz an estrenvan, da nerzh a vo bihan.

Niveroù 13:31

Met an dud a oa pignet gantañ a lavaras: Ne c'hellimp ket pignat a-enep ar bobl-se rak kreñvoc'h eo egedon.

Niveroù 32:9

Pignat a rejont betek gwazh Eshkol hag e weljont ar vro, hag e tigalonekajont mibien Israel evit ma n'ajent ket d'ar vro en deus roet dezho an AOTROU.

Sant Lucas 9:62

Jezuz a respontas dezhañ: An hini a laka e zorn war an arar hag a sell war e lerc’h, n’eo ket dereat evit rouantelezh Doue.

1 Korintiz 15:33

N’en em dromplit ket, an darempredoù fall a vrein ar gizioù mat.

Adlezenn 1:28

Da belec'h emaomp o pignat? Hor breudeur o deus lakaet hor c'halonoù da deuziñ o lavarout: Ur bobl vrasoc'h hag a vent uheloc'h egedomp eo; ar c'hêrioù a zo bras ha mogeriet betek an neñv; gwelet hon eus eno mibien Anak.

Adlezenn 20:9

P'o devo echuet an ofiserien da gomz ouzh ar bobl, e lakaint kabitened al lu e penn ar bobl.

Adlezenn 23:9

Pa yelo da armead a-enep da enebourien, en em viri diouzh pep tra fall.

Apocalyps 21:8

Met evit ar re zidalvez, ar re ziskredik, ar re euzhus, ar vuntrerien, ar c’hastaouerien, ar strobinellerien, an idolourien hag an holl c’haouiaded, o lod a zo er stank o teviñ gant tan ha soufr, ar pezh a zo an eilvet marv.

Apocalyps 3:16

Evel-se, dre ma’z out klouar na yen na tomm, e c’hwedin ac’hanout eus va genoù.

Ar Varnerien 7:3

Bremañ eta embann kement-mañ ouzh divskouarn ar bobl en ur lavarout: An hini a zo spontik hag en deus aon, ra zistroio ha ra bellaio gant frankiz diouzh menez Galaad. Daou vil warn-ugent a-douez ar bobl a zistroas, hag e vanas dek mil anezho.