Adlezenn 20:6 - Bibl Koad 21: Ar Bibl e Brezhoneg evit ar Vretoned

⁶ Piv en deus plantet ur winienn ha n'en deus ket dastumet frouezh kentañ anezhi? Ra yelo kuit ha ma tistroio d'e di, gant aon na varvfe er brezel ha na zeufe unan all da zastum ar frouezh kentañ.

Adlezenn 20:6 Referencias Cruzadas

Izaia 65:22

Ne savint ket evit ma chomfe unan all e-barzh, ne blantint ket evit ma tebrfe unan all. Deizioù va fobl a vo evel deizioù ar gwez, ha va re zibabet a welo labour o daouarn o koshaat.

Jeremiaz 31:5

Plantañ a ri c'hoazh gwini war venezioù Samaria, hag ar re o devo o flantet a zastumo ar frouezh evito.

Sofonia 1:13

O madoù a vo preizhet hag o ziez gwastet. Savet o devo tiez, met ne vint ket o chom enno, ha plantet o devo gwini, met n'evint ket eus o gwin.

1 Korintiz 9:7

Piv a ya morse d’ar brezel diwar e goust e-unan? Piv eo an hini a blant ur winienn ha na zebr ket eus e frouezh? Pe piv eo an hini a ro da beuriñ d’an tropell ha na ev ket eus e laezh?

Adlezenn 20:5

An ofiserien a gomzo ouzh ar bobl o lavarout: Piv en deus savet un ti nevez ha n'en deus ket digoret anezhañ? Ra yelo kuit ha ma tistroio d'e di, gant aon na varvfe er brezel ha na zigorfe unan all anezhañ.

Adlezenn 20:7

Piv a zo prometet e dimeziñ da ur wreg ha n'en deus ket he dimezet? Ra yelo kuit ha ma tistroio d'e di, gant aon na varvfe er brezel ha na zimezfe unan all ganti.