Adlezenn 20:4 - Bibl Koad 21: Ar Bibl e Brezhoneg evit ar Vretoned

⁴ rak an AOTROU ho Toue a gerzh ganeoc'h da vrezeliñ evidoc'h a-enep hoc'h enebourien, evit salviñ ac'hanoc'h.

Adlezenn 20:4 Referencias Cruzadas

1 Danevelloù 14:15

Pa glevi trouz kammedoù war-lein ar mouarennoù, neuze ez i d'an emgann en o enep, rak Doue a vo aet er-maez dirazout evit skeiñ war gamp ar Filistined.

2 Danevelloù 13:12

Setu, Doue hag e aberzhourien a zo ganeomp, en hor penn, hag o deus ganto an trompilhoù tregernus, evit tregerniñ a-enep deoc'h. Mibien Israel, na stourmit ket a-enep an AOTROU, Doue ho tadoù, rak ne reot ket berzh.

Ermaeziadeg 14:14

An AOTROU a stourmo evidoc'h, ha c'hwi a chomo sioul.

Romaned 8:37

Met en holl draoù-se ez omp ouzhpenn trec’herien dre an hini en deus hor c’haret.

Adlezenn 1:30

An AOTROU ho Toue a gerzh dirazoc'h hag a stourmo e-unan evidoc'h, evel m'en deus graet evidoc'h en Ejipt dirak ho taoulagad,

Adlezenn 11:25

Den ne zalc'ho dirazoc'h. An AOTROU ho Toue a skuilho aon ha spont ouzhoc'h dre ar vro a vac'hot warni, evel m'en deus lavaret.

Adlezenn 3:22

N'ho pet ket aon razo, an AOTROU ho Toue a stourmo evidoc'h.

Adlezenn 31:6

En em galonekait ha bezit kreñv! N'ho pet ket aon ha na vezit ket spontet abalamour dezho, rak an AOTROU da Zoue a gerzho ganit, ne zilaosko ket ac'hanout, ne zilezo ket ac'hanout.

Adlezenn 32:30

Penaos en defe gallet unan redek war-lerc'h mil, ha daou redek war-lerc'h dek mil, nemet en defe o roc'h o gwerzhet, hag an AOTROU o deroet?

Jozue 10:11

Evel ma tec'hent dirak Israel ha ma oant e diskenn Bet-Horon, an AOTROU a daolas warno mein bras eus an neñv betek Azeka, hag e varvjont. Ar re a varvas gant ar mein-grizilh a oa niverusoc'h eget ar re a lazhas mibien Israel gant ar c'hleze.

Jozue 10:42

Jozue a gemeras en ur wech an holl rouaned-se hag o broioù, rak an AOTROU Doue Israel a vrezele evit Israel.

Jozue 23:10

Unan ac'hanoc'h a redo war-lerc'h mil, rak an AOTROU ho Toue eo an hini a stourm evidoc'h, evel m'en deus lavaret deoc'h.

1 Samuel 14:23

En deiz-se an AOTROU a zieubas Israel, hag an emgann en em astennas betek Bet-Aven.