Adlezenn 20:16 - Bibl Koad 21: Ar Bibl e Brezhoneg evit ar Vretoned

¹⁶ Met e kêrioù ar pobloù-mañ a ro dit an AOTROU da Zoue evel hêrezh, ne lezi da vevañ netra eus ar pezh en deus c'hwezh ennañ.

Adlezenn 20:16 Referencias Cruzadas

Niveroù 21:35

Trec'hiñ a rejont anezhañ, eñ, e vibien hag e holl bobl, betek ma ne chomas den ebet; hag e perc'hennjont e vro.

Niveroù 31:17

Bremañ, lazhit pep paotr a-douez ar vugaligoù, ha lazhit pep maouez he deus anavezet un den en ur gousket gantañ,

Niveroù 33:52

e kasot kuit dirazoc'h holl dud ar vro, e tistrujot o holl skeudennoù, e tistrujot o holl zelwennoù teuzet, e tismantrot o holl uhellec'hioù,

Adlezenn 20:15

Evel-se e ri d'an holl gêrioù a zo pell diouzhit ha n'int ket kêrioù ar broadoù-mañ.

Adlezenn 20:17

Lakaat a ri anezho da verz: an Hitited, an Amoreaned, ar Gananeiz, ar Ferezianed, an Hevianed, ar Jebuziz, evel m'en deus gourc'hemennet an AOTROU da Zoue,

Adlezenn 24:4

he fried kentañ, an hini en deus he c'haset kuit, ne c'hello ken hec'h adkemer evit e wreg, goude ma vo bet saotret, rak un euzhusted e vefe dirak an AOTROU, ha ne lakaio ket da bec'hiñ ar vro a ro dit an AOTROU da Zoue evel hêrezh.

Adlezenn 31:5

An AOTROU a lakaio anezho en ho taouarn, hag e reot dezho hervez ar gourc'hemenn am eus roet deoc'h.

Adlezenn 4:21

An AOTROU a fuloras a-enep din en abeg deoc'h hag a douas na dremenjen ket ar Jordan ha n'ajen ket er vro vat a ro dit an AOTROU da Zoue evel hêrezh.

Adlezenn 7:16

Distrujañ a ri an holl bobloù a roio dit an AOTROU da Zoue, da lagad a vo didruez ha ne serviji ket o doueoù, rak ur stign e vefe evidout.

Jozue 10:20

Pa o doe echu Jozue ha mibien Israel d'ober ul lazhadeg bras anezho, betek o distrujañ holl, ha ma voe en em dennet e kêrioù kreñv ar re a c'hellas tec'hout diouto,

Jozue 10:28

Jozue a gemeras ivez Makkeda en deiz-se hag a skoas warni gant troc'h ar c'hleze. Lakaat a reas da verz he roue hag he zud a oa enni; ne lezas den da dec'hout kuit, hag e reas da roue Makkeda evel m'en doa graet da roue Jeriko.

Jozue 10:40

Jozue a skoas eta war ar vro holl, war ar menez, ar c'hreisteiz, ar blaenenn, ar c'hrec'hioù, gant o holl rouaned. Ne lezas den da dec'hout kuit, hag e lakaas da verz kement a anale, evel m'en doa gourc'hemennet an AOTROU Doue Israel.

Jozue 11:14

Mibien Israel a breizhas evito holl ziwisk ar c'hêrioù-se hag al loened. Lazhañ a rejont gant barvenn ar c'hleze an holl dud betek ma vefent distrujet holl; ne voe lezet netra eus ar re a anale.

Jozue 6:24

Hag e tevjont en tan kêr ha kement a oa enni. Nemet an arc'hant hag an aour gant pep tra arem hag houarn a lakajont e teñzor ti an AOTROU .

Jozue 8:25

An holl re a gouezhas en deiz-se, gwazed ha gwragez, a voe daouzek mil, holl dud eus Ai.

Jozue 8:8

Pa ho po kemeret kêr, e lakaiot an tan enni; ober a reot hervez komz an AOTROU: Sellit, me am eus e c'hourc'hemennet deoc'h.

Jozue 9:24

Neuze e respontjont da Jozue o lavarout: Lavaret eo bet da'z servijerien penaos an AOTROU da Zoue en doa gourc'hemennet da Voizez e servijer, reiñ deoc'h an holl vro ha lakaat d'ar marv he holl dud dirazoc'h, hag hon eus bet aon-meurbet evit hor buhez dirazoc'h, hag hon eus graet kement-se.

Jozue 9:27

Jozue a lakaas anezho en deiz-se troc'herien goad ha tennerien dour evit ar vodadenn hag evit aoter an AOTROU , el lec'h ma zibabfe, betek hiziv.

Jozue 9:7

Tud Israel a respontas d'an Hevianed-se: Marteze emaoc'h o chom en hon touez, ha penaos a raimp un emglev ganeoc'h?

1 Samuel 15:3

Kae bremañ, sko war Amalek, ha laka da verz ar pezh en deus, n'espern ket anezhañ, met laka d'ar marv ar wazed hag ar maouezed, ar vugale hag ar re a zen, an ejened hag an deñved, ar c'hañvaled hag an ezen.