Adlezenn 19:15 - Bibl Koad 21: Ar Bibl e Brezhoneg evit ar Vretoned

¹⁵ Un test hepken ne vo ket a-walc'h evit un torfed bennak pe evit ur pec'hed bennak, petore mank bennak a vefe graet; war gomz daou dest pe dri dest e vo talvoudek an dra.

Adlezenn 19:15 Referencias Cruzadas

1 Rouaned 21:10

Lakait da zerc'hel dirazañ daou vab Belial, evit testeniañ a-enep dezhañ o lavarout: Mallozhet ec'h eus Doue hag ar roue! Goude e kasot anezhañ er-maez, ha ra vo meinataet ha ra varvo.

1 Rouaned 21:13

Daou vab Belial a zeuas hag en em zalc'has dirazañ. Ar vibien Belial-se a destenias a-enep Nabod dirak ar bobl o lavarout: Nabod en deus mallozhet Doue hag ar roue. Goude e kasjont anezhañ er-maez eus kêr, hag e voe meinataet hag e varvas.

Niveroù 35:30

Pa vo lazhet unan bennak, ar muntrer a vo lazhet war gomz testoù, met un test hepken ne vo ket a-walc'h evit lakaat anezhañ da varv.

Mazhev 18:16

Met ma ne selaou ket ac’hanout, kemer ganit un den pe zaou, evit ma vo an holl dra reizhet war gomz daou pe dri dest.

Sant Ian 7:51

Ha barn a ra hol lezenn un den hep bezañ e glevet hag hep anavezout ar pezh en deus graet?

Sant Ian 8:17

Skrivet eo en ho lezenn penaos testeni daou zen a zo gwirion.

2 Korintiz 13:1

Setu an trede gwech ma’z an d’ho kavout. War gomz daou pe dri dest pep tra a vo peurglozet.

Adlezenn 17:6

War gomz daou dest pe dri dest e vo lakaet d'ar marv an hini a zle mervel. Ne vo ket lakaet d'ar marv war gomz un test hepken.

1 Timote 5:19

Na zegemer tamall ebet a-enep un henaour, nemet e vefe digant daou pe dri dest.

Hebreed 10:28

An neb en deus torret lezenn Moizez a zo lakaet d’ar marv hep trugarez war desteni daou pe dri zest.