Adlezenn 18:8 - Bibl Koad 21: Ar Bibl e Brezhoneg evit ar Vretoned

⁸ e resevo evit boued ul lodenn heñvel ouzh hini ar re all, ouzhpenn ar pezh a c'hellfe bezañ gwerzhet eus madoù e dadoù.

Adlezenn 18:8 Referencias Cruzadas

2 Danevelloù 31:4

Hag e lavaras d'ar bobl, da dud Jeruzalem, reiñ lodenn an aberzhourien hag al Levited, evit mirout lezenn an AOTROU.

Nehemia 12:44

Lakaet e voe en deiz-se tud war ar c'hambroù evit an teñzorioù, evit ar profoù savet, evit ar frouezh kentañ, hag evit an deogoù, da zastum enno eus tiriadoù ar c'hêrioù, al lodennoù merket gant al lezenn evit an aberzhourien hag evit al Levited. Rak Juda a voe el levenez en abeg d'an aberzhourien ha d'al Levited a oa eno,

Nehemia 12:47

Hag an holl Israeliz, en amzer Zorobabel hag en amzer Nehemia, a roe lodennoù ar ganerien ha lodennoù ar borzhierien deiz dre zeiz. Reiñ a raent d'al Levited an traoù santelaet, hag al Levited a roe da vibien Aaron an traoù santelaet.

Leviegezh 27:30

Pep deog eus an douar, kenkoulz eus had an douar evel eus frouezh ar gwez, a vo d’an AOTROU. Un dra santelaet eo evit an AOTROU.

Leviegezh 7:14

Kinniget e vo ul lodenn eus ar prof evel prof savet d’an AOTROU, hag e vo kement-se evit an aberzhour en devo skuilhet gwad an aberzh a drugarekadennoù.

Niveroù 18:21

Roet em eus da vibien Levi kement deog en Israel evel hêrezh, en eskemm eus ar servij a reont, servij teltenn an engalv.

Sant Lucas 10:7

Chomit en ti-se, o tebriñ hag oc’h evañ ar pezh a vo roet deoc’h, rak al labourer a zo dleet dezhañ e c’hopr. Na dremenit ket eus un eil ti d’egile.

Adlezenn 18:7

ha m'en em zalc'ho da servijañ en anv an AOTROU da Zoue, evel e holl vreudeur Levited oc'h en em zerc'hel eno dirak an AOTROU,