Adlezenn 17:2 - Bibl Koad 21: Ar Bibl e Brezhoneg evit ar Vretoned

² Pa en em gavo ez kreiz, en unan eus ar c'hêrioù a roio an AOTROU da Zoue dit, un den pe ur wreg hag a raio ar pezh a zo drouk dirak daoulagad an AOTROU da Zoue, o terriñ e emglev,

Adlezenn 17:2 Referencias Cruzadas

2 Rouned 18:12

dre ma n'o doa ket selaouet ouzh mouezh an AOTROU o Doue, met m'o doa torret e emglev, ha dre ma n'o doa na selaouet na graet ar pezh en doa urzhiet Moizez servijer an AOTROU.

2 Rouned 21:3

Adsevel a reas an uhellec'hioù en doa distrujet Ezekiaz e dad, hag e savas aoterioù da Vaal, hag e reas un Ashera evel m'en doa graet Akab roue Israel, hag e stouas dirak holl arme an neñvoù, hag o servijas.

Levr Job 31:28

un direizhder kastizet gant ar varnerien, rak dianzav Doue an krec'h e vefe,

Ermaeziadeg 22:19

Piv bennak a gousko gant ul loen a vo lakaet d'ar marv.

Ermaeziadeg 22:20

An hini a aberzho da zoueoù all nemet d'an AOTROU hepken a vo lazhet.

Jeremiaz 31:32

nann evel an emglev am eus diazezet gant o zadoù en deiz ma em eus kemeret anezho dre an dorn hag em eus tennet anezho eus bro Ejipt, an emglev o deus torret, petra bennak ma oan bet ur pried evito, eme an AOTROU.

Jeremiaz 34:18

Hag e roin an dud o deus torret va emglev ha n'o deus ket sevenet komzoù an emglev o doa lavaret dirazon, p'o deus tremenet etre an daou hanter eus al leue o doa troc'het,

Ezekiel 16:38

Hag e varnin ac'hanout evel ma vez barnet an avoultrerezed hag a re a skuilh gwad. Hag e laoskin ac'hanout da wad va fulor ha va gwarizi.

Ozea 6:7

Met evel Adam o deus torret va emglev, eno ez int bet difeal em c'heñver.

Ozea 8:1

Kemer ar shofar! Dont a ra evel un erer war di an AOTROU, rak o deus torret va emglev hag o deus pec'het a-enep va lezenn.

Leviegezh 20:2

Lavar da vibien Israel: Piv bennak, eus mibien Israel pe eus an diavaezidi a zo o chom en Israel, a roio eus e vugale da Volok, a vo lakaet d’ar marv; meinataet e vo gant pobl ar vro.

Leviegezh 26:15

mar disprizit va reolennoù, mar en deus hoc’h ene euzh ouzh va barnedigezhioù, evit tremen hep heuliañ va gourc’hemennoù hag evit terriñ va emglev,

Leviegezh 26:25

Hag e kasin warnoc’h ar c’hleze a veñjo va emglev; pa en em zastumot en ho kêrioù, e kasin ar vosenn en ho touez hag e viot roet etre daouarn an enebour.

Adlezenn 17:5

e lakai da zont ouzh da zorojoù an den pe ar wreg a vo kablus da vezañ graet-se, hag e veinatai an den pe ar wreg d'ar marv.

Adlezenn 29:18

Ra ne vo ket en ho touez na den, na gwreg, na tiegezh, na meuriad, a zistrofe e galon hiziv diouzh an AOTROU hon Doue evit mont da servijañ doueoù ar broadoù-se. Ra ne vo en ho touez gwrizienn ebet da reiñ ampoezon pe huelenn-c'hwerv.

Adlezenn 29:25

Hag e vo respontet: Dre m'o deus dilezet emglev an AOTROU, Doue o zadoù, en doa graet ganto p'en deus tennet anezho eus bro Ejipt,

Adlezenn 31:20

Dre ma renin anezho er vro am eus touet d'o zadoù, ur vro a zever gant laezh ha mel, hag e tebrint hag o devo o gwalc'h hag e vint lart. Neuze en em zistroint war-zu doueoù all, hag e servijint anezho, hag e tisprizint ac'hanon, hag e torrint va emglev.

Adlezenn 4:23

Taolit evezh gant aon na ankounac'hafec'h an emglev en deus graet an AOTROU ho Toue ganeoc'h ha na rafec'h ur skeudenn gizellet pe un taolennadur eus un dra bennak, ar pezh en deus difennet ouzhit an AOTROU da Zoue.

Hebreed 10:28

An neb en deus torret lezenn Moizez a zo lakaet d’ar marv hep trugarez war desteni daou pe dri zest.

Jozue 23:16

Mar torrit emglev an AOTROU ho Toue, an hini en deus gourc'hemennet deoc'h, ma kit da servijañ doueoù all ha da stouiñ dirazo, fulor an AOTROU en em dano a-enep deoc'h, hag e varvot buan diwar ar vro vat en deus roet deoc'h.

Jozue 7:11

Israel en deus pec'het. Torret o deus va emglev am boa gourc'hemennet dezho, kemeret o deus diwar an traoù lakaet da verz, laeret o deus, lavaret o deus gevier, lakaet o deus anezho en o fakadoù.

Jozue 7:15

An hini a vo tapet o kaout eus traoù lakaet da verz a vo devet en tan, eñ a kement a zo dezhañ, rak torret en deus emglev an AOTROU ha graet en deus un euzhusted en Israel.

Ar Varnerien 2:20

Fulor an AOTROU en em danas a-enep Israel, hag e lavaras: Peogwir he deus ar bobl-mañ torret va emglev am boa roet d'o zadoù, ha n'o deus ket sentet ouzh va mouezh,

Ar Varnerien 6:31

Joaz a lavaras d'ar re holl a gomze outañ: Ha deoc'h eo da sevel a-du gant Baal? Ha deoc'h eo d'e saveteiñ? Piv bennak a savo a-du gant Baal a vo lakaet d'ar marv a-benn ar mintin. Mard eo Doue, ra en em zifenno e-unan, o vezañ m'eo bet diskaret e aoter.