Adlezenn 16:3 - Bibl Koad 21: Ar Bibl e Brezhoneg evit ar Vretoned

³ Ne zebri ket bara goet; e-pad seizh devezh e tebri bara hep goell, bara ar glac'har, rak aet out kuit buan eus bro Ejipt; evel-se e vo evit ma ez po soñj eus an deiz ma'z out aet kuit eus bro Ejipt, holl zeizioù da vuhez.

Adlezenn 16:3 Referencias Cruzadas

1 Rouaned 22:27

ha lavarit: Evel-henn en deus lavaret ar roue: Lakait an den-mañ en toull-bac'h, ha bevit-eñ gant bara ar glac'har ha dour ar glac'har, betek ma tistroin e peoc'h.

Salmoù 102:9

Bemdez ez on tamallet gant va enebourien, ha va heskinerien gounnaret a dou dre va anv.

Salmoù 111:4

Lezet en deus an eñvor eus e vurzhudoù, an AOTROU a zo trugarezus ha truezus.

Salmoù 127:2

En aner e savit da vintin, en aner e kouskit diwezhat, hag e tebrit ar bara a c'hlac'har. Reiñ a ra kement d'e garet-mat e-pad e gousk.

Ermaeziadeg 12:11

Setu amañ penaos e tebrot anezhañ: ho tivgroazell gourizet, ho potoù-lêr en ho treid hag ho pazh en ho torn, hag e tebrot anezhañ a-dizh. Pask an AOTROU eo.

Ermaeziadeg 12:17

Mirout a reot eta gouel ar bara hep goell, rak en deiz-se end-eeun em eus tennet hoc'h armeoù eus bro Ejipt. Mirout a reot an deiz-se evel ur gourc'hemenn peurbadus a rummadoù da rummadoù.

Ermaeziadeg 12:39

Hag e poazhjont an toaz o doa degaset eus an Ejipt da ober gwestell hep goell, rak ne oa ket goet, peogwir e oant bet kaset kuit eus an Ejipt hep dale ha n'o doa ket kemeret pourvezioù ganto.

Ermaeziadeg 12:8

En noz-se, e tebrint ar c'hig anezhañ rostet en tan; e zebriñ a raint gant bara hep goell ha gant louzoù c'hwerv.

Ermaeziadeg 34:18

Mirout a ri gouel ar bara hep goell; debriñ a ri bara hep goell e-pad seizh devezh evel ma em eus gourc'hemennet dit en amzer miz Abib, rak ennañ ez out aet kuit eus an Ejipt.

Izaia 52:12

Ned eot ket er-maez gant hast, ha ne gerzhot ket en ur dec'hout, rak an AOTROU a yelo dirazoc'h, ha Doue Israel a vo ho kward a-dreñv.

Leviegezh 23:6

D’ar pemzekvet deiz eus ar miz e vo gouel ar bara hep goell evit an AOTROU; debriñ a reot bara hep goell e-pad seizh devezh.

Zakaria 12:10

Skuilhañ a rin war di David ha war dud Jeruzalem ar Spered a c'hras hag a bedennoù, hag e sellint ouzhin, an hini o deus toullet. Hag e raint kañv dezhañ evel ma reer kañv d'ur mab nemetañ, hag e ouelint c'hwerv evel ma oueler war ur mab kentañ-ganet.

Niveroù 28:17

D'ar pemzekvet deiz eus ar miz e vo ur gouel; debriñ a reot bara hep goell e-pad seizh devezh.

Niveroù 9:11

d'an eil miz, d'ar pevarzekvet deiz, etre an daou abardaez, e tebrint anezhañ gant bara hep goell ha louzoù c'hwerv,

Sant Lucas 22:19

Neuze e kemeras bara hag, o vezañ trugarekaet, e torras anezhañ hag en roas dezho o lavarout: Hemañ eo va c’horf hag a zo roet evidoc’h, grit kement-mañ en eñvor ac’hanon.

1 Korintiz 5:8

Dre-se eta, lidomp ar gouel, nann gant ar goell kozh na gant ur goell a zroug hag a fallentez, met gant ar bara hep goell eus an eeunder hag eus ar wirionez.

Adlezenn 16:2

Aberzhiñ a ri ar Pask d'an AOTROU da Zoue, da loened bras ha bihan, el lec'h en devo dibabet an AOTROU evit lakaat e anv da chom ennañ.

Adlezenn 4:9

Koulskoude, en em ziwall ha taol evezh gant pled ouzh da ene, gant aon n'ankounac'hafes an traoù o deus gwelet da zaoulagad, ha gant aon na'z afent er-maez eus da galon deiz ebet eus da vuhez. O c'helenn a ri da'z mibien ha da'z mibien-vihan.

1 Tesalonikiz 1:6

Bet oc’h hon heñvelerien ha re hon Aotrou, o vezañ resevet ar ger e-touez kalz a c’hlac’haroù, gant levenez ar Spered-Santel,

Jozue 4:7

neuze e respontot dezho: Doureier ar Jordan a voe rannet dirak arc'h emglev an AOTROU pa dremenas ar Jordan; doureier ar Jordan a voe rannet, hag ar vein-se a zo evit mibien Israel un eñvor da viken.