Adlezenn 16:21 - Bibl Koad 21: Ar Bibl e Brezhoneg evit ar Vretoned

²¹ Ne blanti ket a ashera e koad e-kichen an aoter a savi d'an AOTROU da Zoue.

Adlezenn 16:21 Referencias Cruzadas

1 Rouaned 14:15

An AOTROU a skoio war Israel, evel ma vefe hejet ar gorzenn en dour, hag e tiframmo Israel diwar an douar mat-se en doa roet d'o zadoù, hag e stlabezo anezho en tu all d'ar stêr, dre m'o deus graet Asheraoù o kounnariñ an AOTROU.

1 Rouaned 16:33

Akab a reas ivez un Ashera, hag Akab a reas muioc'h c'hoazh eget holl rouaned Israel a oa bet a-raok dezhañ evit kounnariñ an AOTROU Doue Israel.

2 Rouned 17:16

O vezañ dilezet holl c'hourc'hemennoù an AOTROU o Doue, graet o doa dezho skeudennoù teuzet, daou leue. Graet o doa Asheraoù, hag azeulet holl arme an neñvoù, ha servijet Baal.

2 Rouned 21:3

Adsevel a reas an uhellec'hioù en doa distrujet Ezekiaz e dad, hag e savas aoterioù da Vaal, hag e reas un Ashera evel m'en doa graet Akab roue Israel, hag e stouas dirak holl arme an neñvoù, hag o servijas.

2 Rouned 21:7

Lakaat a reas skeudenn gizellet Ashera en doa graet, en ti m'en doa lavaret an AOTROU diwar e benn da Zavid ha da Salomon e vab: Lakaat a rin da viken va anv en ti-mañ hag e Jeruzalem, am eus dibabet a-douez holl veuriadoù Israel.

2 Danevelloù 33:3

Adsevel a reas an uhellec'hioù en doa dispennet Ezekiaz e dad, hag e savas aoterioù d'ar Baaloù, hag e reas Asheraoù, hag e stouas dirak holl arme an neñvoù, hag o servijas.

Ermaeziadeg 34:13

Er c'hontrol e tiskarot o aoterioù, e torrot o delwennoù hag e troc'hot o Asheraoù.

Leviegezh 26:1

Ne reot deoc’h idol ebet, ne savot na skeudenn kizellet na delwenn, ne lakaiot ket a vaen gant tresadennoù livet en ho pro, evit en em stouiñ dirazo. Me eo an AOTROU ho Toue.

Adlezenn 7:5

Evel-se e reot: neuze e tiskarot o aoterioù, e torrot o delwennoù, e troc'hot o asheraoù, e tevot en tan o skeudennoù kizellet.

Ar Varnerien 3:7

Mibien Israel a reas an droug dirak daoulagad an AOTROU, hag ec'h ankounac'hajont an AOTROU o Doue, hag e servijjont ar Baaloù.