Adlezenn 16:18 - Bibl Koad 21: Ar Bibl e Brezhoneg evit ar Vretoned

¹⁸ Lakaat a ri barnerien hag ofiserien en holl c'hêrioù a roio an AOTROU da Zoue dit, hervez da veuriadoù. Hag e tougint barnedigezhioù reizh d'ar bobl.

Adlezenn 16:18 Referencias Cruzadas

1 Danevelloù 23:4

Bez' e oa en o zouez pevar mil warn-ugent evit eveshaat ouzh labour ti an AOTROU , c'hwec'h mil evel skribed ha barnerien,

1 Danevelloù 26:29

A-douez ar Jizehariz, Kenania hag e vreudeur a oa karget eus al labour a-ziavaez en Israel, evel skribed ha barnerien.

Ezdra 7:25

Ha te Ezdra, laka melestrourien ha barnerien hervez furnez da Zoue a zo ennout, evit ma varnint an holl dud a zo en tu all d'ar stêr, an holl re a anavez lezennoù da Zoue; hag o c'helenni d'ar re n'o anavez ket.

Ermaeziadeg 18:21

Dibab a-douez ar bobl holl tud barrek o toujañ Doue, tud leal o kasaat ar gounid dizonest, ha laka anezho warno evel renerien a vilieroù, renerien a gantoù, renerien a hanter-kantoù ha renerien a zegoù.

Ermaeziadeg 21:22

Mar tabut tud hag e stokont ouzh ur wreg dougerez e doare ma wilioud, hep m'en em gavfe gwalleur all, barnet e vint da baeañ an digoll divizet gant pried ar wreg, hag e roio kement-se dirak ar varnerien.

Ermaeziadeg 21:6

neuze e tegaso e vestr anezhañ dirak Doue, en lakaio da dostaat ouzh an nor pe ouzh ar post, hag e vestr a doullo e skouarn dezhañ gant ur minaoued. Servijañ a raio anezhañ da viken.

Krennlavarioù 31:23

He fried a zo anavezet ouzh dorioù kêr, pa'z eo azezet gant henaourien ar vro.

Mazhev 5:21

Klevet hoc’h eus penaos eo bet lavaret d’ar re gozh: Ne vuntri ket, piv bennak a vuntro a zellezo bezañ barnet.

Mazhev 5:22

Met me a lavar deoc’h penaos piv bennak a fuloro ouzh e vreur hep abeg a zellezo bezañ barnet, an hini a lavaro d’e vreur: Raka! a zellezo bezañ kastizet gant ar sanedrin, hag an hini a lavaro d’e vreur: Diskiant! a zellezo bezañ kastizet gant tan ar gehenn.

Adlezenn 16:17

Pep hini a roio hervez ar pezh en devo, hervez ar vennozh en devo roet dezhañ an AOTROU da Zoue.

Adlezenn 16:19

Ne wei ket ar barnedigezhioù, ne ri van eus diavaez an dud, ne zegemeri ket donezonoù, rak an donezonoù a zall daoulagad ar re fur hag a vrein komzoù ar re reizh.

Adlezenn 17:12

An den a raio gant lorc'h ha na selaouo ket an aberzhour en em zalc'ho eno evit servijañ an AOTROU da Zoue, pe na selaouo ket ar barner, an den-se a varvo, hag evel-se e vo lamet an droug diouzh Israel,

Adlezenn 17:9

hag ez i da gavout an aberzhourien, al Levited, etrezek an hini a vo barner en deizioù-se, hag e c'houlenni kuzul, hag e tisklêrint dit setañs ar varn.

Adlezenn 21:2

da henaourien ha da varnerien a zeuio da vuzuliañ an hed adalek an den lazhet betek ar c'hêrioù a zo en-dro dezhañ.

Adlezenn 25:1

Pa savo un tabut etre tud, hag e tostaint ouzh al lez-varn evit bezañ barnet, e vo reishaet an hini reizh ha kondaonet an hini fall.

1 Samuel 8:1

Pa voe deuet Samuel da vezañ kozh, e lakaas e vibien da varnerien war Israel.