Adlezenn 16:16 - Bibl Koad 21: Ar Bibl e Brezhoneg evit ar Vretoned

¹⁶ Teir gwech er bloaz, pep gwaz ac'hanoc'h en em gavo dirak an AOTROU ho Toue, el lec'h dibabet gantañ, da ouel ar bara hep goell, da ouel ar sizhunioù ha da ouel al logelloù, ha n'en em ziskouezo ket er c'houllo dirak an AOTROU.

Adlezenn 16:16 Referencias Cruzadas

1 Rouaned 9:25

Salomon a ginnige, teir gwech ar bloaz, loskaberzhoù hag aberzhoù a drugarekadennoù war an aoter en doa savet d'an AOTROU, hag e lakae da vogediñ war an hini a oa dirak an AOTROU. Hag ec'h echuas an ti.

2 Danevelloù 8:13

Hag e kinnige bemdez ar pezh a oa bet gourc'hemennet gant Moizez, d'an deizioù sabad, d'al loarioù nevez, d'ar gouelioù meur, teir gwech ar bloaz: gouel ar bara hep goell, gouel ar sizhunioù, gouel al logelloù.

Ezdra 3:1

Ar seizhvet miz o tostaat, ha mibien Israel o vezañ en o c'hêrioù, ar bobl en em zastumas e Jeruzalem evel un den hepken.

Nehemia 8:15

hag e veze ret embann kement-se hag henn disklêriañ en holl gêrioù hag e Jeruzalem, o lavarout: Kit d'ar menez, ha degasit skourroù olived, skourroù gwez sunek, skourroù meurta, skourroù palmez, ha skourroù gwez stank, evit ober logelloù, evel ma'z eo skrivet.

Salmoù 122:4

Di eo e pign ar meuriadoù, meuriadoù an AOTROU, ar pezh a zo un testeni en Israel, evit meuliñ anv an AOTROU.

Salmoù 84:7

O tremen dre draonienn an Daeroù, e reont diouti ur vammenn dour bev, ha glav an diskar-amzer he golo a vadoù.

Salmoù 84:8

Mont a reont a nerzh da nerzh, evit en em ziskouez dirak Doue e Sion.

Salmoù 96:8

Rentit d'an AOTROU ar gloar dleet d'e anv. Degasit ar profoù, hag it d'e leurioù.

Ermaeziadeg 34:20

Dasprenañ a ri gant un oan pep kentañ-ganet eus an azen, ha ma ne zasprenez ket anezhañ, e torri dezhañ ar gouzoug. Dasprenañ a ri ivez pep kentañ-ganet eus an dud e-touez da vibien, ha ne zeuior ket en goullo dirak va dremm.

Ermaeziadeg 34:24

Rak kas a rin kuit ar pobloù dirazout hag ec'h astennin da harzoù. Den ne c’hoantaio da vro pa bigni evit en em ziskouez teir gwech ar bloaz dirak an AOTROU da Zoue.

Izaia 23:18

Hag he madoù hag he gounid a vo santelaet d'an AOTROU. Ne vint ket berniet na miret. He madoù a vo evit a re a zo o chom dirak an AOTROU, evit m'o devo o gwalc'h da zebriñ ha ma en em wiskint gant dilhad a-zibab.

Izaia 33:20

Sell ouzh Sion, kêr hor gouelioù; da zaoulagad a welo Jeruzalem, ur chomlec'h sioul, un deltenn na vo ket treuzdouget, na vo biken tennet he fostoù, ha na vo ket torret he c'hordennoù.

Ezekiel 36:38

Ar c'hêrioù gwastet a vo leun a engroezioù tud, heñvel ouzh tropelloù santel, heñvel ouzh tropelloù Jeruzalem e-pad ar gouelioù, hag e ouezint ez on me an AOTROU.

Leviegezh 23:34

Komz da vibien Israel ha lavar: D’ar pemzekvet deiz eus ar seizhvet miz-se, e vo gouel al logelloù evit an AOTROU, e-pad seizh devezh.

Agge 1:9

Gortoz a raec'h kalz, ha setu nebeut eo bet! E gaset hoc'h eus d'ar gêr, met c'hwezhet em eus warnañ. Perak? eme AOTROU an armeoù. En abeg da'm zi, dre ma'z eo gwastet, e-pad ma hast pep hini evit e di e-unan.

Mazhev 2:11

O vezañ aet en ti, e kavjont ar bugel bihan gant Mari e vamm hag, oc’h en em stouiñ d’an douar, ec’h azeuljont anezhañ. Ha goude bezañ digoret o zeñzorioù, e kinnigjont dezhañ profoù: aour, ezañs ha mir.

Sant Marc 12:3

Met o vezañ kroget ennañ e kannjont anezhañ hag e kasjont anezhañ kuit hep netra.

Sant Ian 7:2

Gouel ar Yuzevien, gouel an Tabernakloù, a dostae.

Adlezenn 16:15

E-pad seizh devezh e ri ar gouel d'an AOTROU da Zoue el lec'h dibabet gant an AOTROU, rak an AOTROU da Zoue a vennigo ac'hanout ez holl eostoù hag e kement a ri gant da zaouarn, hag e vi leun a levenez.

Adlezenn 16:17

Pep hini a roio hervez ar pezh en devo, hervez ar vennozh en devo roet dezhañ an AOTROU da Zoue.

Adlezenn 31:11

pa zeuio holl Israel d'en em gavout dirak an AOTROU da Zoue el lec'h en devo dibabet, e lenni al lezenn-mañ dirak holl Israel, hag e klevint.

1 Samuel 1:3

Ha bep bloaz, an den-mañ a bigne eus e gêr evit azeuliñ AOTROU an armeoù hag aberzhiñ dezhañ e Silo. Daou vab Eli, Hofni ha Fineaz a oa eno aberzhourien an AOTROU .

1 Samuel 6:3

Hag e respontjont: Mar kasit kuit arc'h Doue Israel, n'he c'hasit ket goullo. Na vankit ket d'ober un aberzh a gablusted, ha neuze e viot yac'haet, hag e ouiot perak n'en em denn ket e zorn diwarnoc'h.