Adlezenn 14:22 - Bibl Koad 21: Ar Bibl e Brezhoneg evit ar Vretoned

²² Ne vanki ket da reiñ an deog eus an holl frouezh taolet diwar da had, eus ar pezh a denni eus da bark, bep bloaz.

Adlezenn 14:22 Referencias Cruzadas

Geneliezh 28:22

hag ar maen-mañ am eus lakaet en e sav evel ur peul a vo ti Doue; hag eus kement a roi din, e roin dit an deog gant lealded.

Geneliezh 47:24

En amzer an eost, e root ur bempvedenn da Faraon hag ar peder lodenn all a vo deoc'h evit hadañ ho parkeier, evit ho poued, evit hini tud ho tiegezh hag evit boued d'ho pugale vihan.

Geneliezh 47:26

Jozef a reas ul lezenn a gement-se, hag a bad c'hoazh betek hiziv war zouaroù an Ejipt: Ar bempvedenn da Faraon. Ne voe ken nemet douaroù an aberzhourien ne oant ket da Faraon.

Nehemia 10:37

karget e oamp da zegas d'an aberzhourien e kambroù ti hon Doue, tammoù kentañ hon toaz, hor profoù savet, frouezh eus an holl wez, gwin, eoul, hag hor boa da zegas d'al Levited deog hon douar, rak al Levited a gemer an deog diwar an holl gêrioù eus hor gounidigezh.

Nehemia 10:38

Bez' e vefe un aberzhour mab Aaron gant al Levited pa gemeront an deog, hag al Levited a zegasfe un dekvedenn eus an deog da di hon Doue, e kambroù ti an teñzor.

Malaki 3:10

Degasit an holl zeogoù da di an teñzor, evit ma vo bevañs em zi. Va amprouit e kement-se, eme AOTROU an armeoù, daoust ha ne zigorin ket skluzioù an neñvoù, ha ne skuilhin ket warnoc'h ar vennozh hep muzul.

Niveroù 15:20

Sevel a reot ur wastell, kentañ lodenn ho toaz, evel ur prof savet; hag he savot evel ma reot evit prof savet al leur.

Niveroù 18:21

Roet em eus da vibien Levi kement deog en Israel evel hêrezh, en eskemm eus ar servij a reont, servij teltenn an engalv.

Niveroù 18:31

En debrot en ul lec'h bennak, c'hwi hag ho tiegezh, rak ho kopr eo en eskemm eus ho servij e teltenn an engalv.

Adlezenn 12:17

Ne c'helli ket debriñ e-barzh da zorojoù deog da winizh, da win ha da eoul, na re gentañ-ganet da loened bras ha da loened bihan, na da aberzhoù evit seveniñ ur gouestl, na da brofoù a-youl-vat, nag ar profoù savet eus da zaouarn.

Adlezenn 12:6

Eno e tegasot ho loskaberzhoù, hoc'h aberzhoù, ho teogoù, ar profoù savet eus ho taouarn, hoc'h aberzhoù evit seveniñ ur gouestl, ho profoù a-youl-vat, re gentañ-ganet ho loened bras hag ho loened bihan.