Adlezenn 12:30 - Bibl Koad 21: Ar Bibl e Brezhoneg evit ar Vretoned

³⁰ diwall da gouezhañ er pech en ur vont war o lerc'h, goude ma vint bet distrujet azirazout; diwall da glask titouroù diwar-benn o doueoù, o lavarout: Penaos e servije ar pobloù-se o doueoù? Me a raio evel-se, me ivez.

Adlezenn 12:30 Referencias Cruzadas

2 Rouned 16:10

Ar roue Akaz a yeas da Zamask en arbenn da Diglad-Pilezer roue Asiria. Hag ar roue Akaz, o vezañ gwelet an aoter a oa e Damask, a gasas d'an aberzhour Uri ar patrom hag ar skeudenn eus an aoter-se, gant he stumm resis.

2 Rouned 17:15

Disprizet o doa e reolennoù, hag e emglev en doa graet gant o zadoù, hag e destenioù en doa douget en o enep. Aet e oant war-lerc'h traoù a netra, o tont da vezañ netra o-unan, ha war-lerc'h ar broadoù a oa en-dro dezho, petra bennak m'en doa difennet an AOTROU dezho ober evelto.

Ermaeziadeg 23:24

Ne stoui ket dirak o doueoù ha ne serviji ket anezho, ne heuilhi ket o oberoù, met o distrujañ a ri holl hag e freuzi o delwennoù.

Jeremiaz 10:2

Evel-henn e komz an AOTROU: Na zeskit ket hent ar broadoù, n'ho pet ket aon rak arouezioù an neñvoù evel ma o deus aon ar broadoù razo.

Ezekiel 11:12

Hag e ouiot ez on me an AOTROU, rak n'hoc'h eus ket kerzhet hervez va reolennoù, na miret va barnedigezhioù, met graet hoc'h eus hervez barnedigezhioù ar broadoù a zo en-dro deoc'h.

Ezekiel 20:28

Derenet em eus anezho d'ar vro am boa savet va dorn he reiñ dezho, ha sellet o deus ouzh pep krec'hienn uhel hag ouzh pep gwezenn vodennek, graet o deus eno o aberzhoù, kinniget o deus eno o frofoù evit va c'hounnariñ, lakaet o deus eno o c'hwezoù-mat, skuilhet o deus eno o sparfadurioù.

Ezekiel 20:32

Netra ne c'hoarvezo eus ar pezh a zeu d'ho spered pa lavarit: Bez' e vimp evel ar broadoù hag evel tiegezhioù ar broioù, o servijout ar c'hoad hag ar maen.

Leviegezh 18:3

Ne reot ket ar pezh a vez graet e bro Ejipt ma hoc’h eus chomet enni, hag ne reot ket ar pezh a vez graet e bro Ganaan ma kasan ac’hanoc’h enni, ne gerzhot ket hervez o reolennoù.

Leviegezh 18:30

Mirout a reot ar pezh a c’hourc’hemennan ha ne virot hini ebet eus ar boazioù euzhus-se a zo bet graet araozoc’h; n’en em saotrit ket ganto. Me eo an AOTROU ho Toue.

Niveroù 33:52

e kasot kuit dirazoc'h holl dud ar vro, e tistrujot o holl skeudennoù, e tistrujot o holl zelwennoù teuzet, e tismantrot o holl uhellec'hioù,

Romaned 12:2

N’en em blegit ket d’ar c’hantved-mañ, met bezit cheñchet dre nevezidigezh ho klevidigezh, evit ma’c’h anavezot ez eo bolontez Doue mat, plijus ha peurvat.

Efeziz 4:17

Setu eta ar pezh a lavaran hag a zisklêrian en Aotrou: N’en em gunduit ket evel en em ren ar baganed all, a heuilh fouge o soñjoù.

Adlezenn 11:16

Diwallit ouzh lezel ho kalon touellañ ac'hanoc'h, gant aon na zistrofec'h, na servijfec'h doueoù all ha na stoufec'h dirazo.

Adlezenn 12:29

P'en devo distrujet an AOTROU da Zoue a-zirazout ar broadoù emaout o vont da gas kuit, pa berc'henni o bro hag e vi o chom enni,

Adlezenn 12:31

Ne ri ket evel-se e-keñver an AOTROU da Zoue, rak graet o deus d'o doueoù kement a zo un euzhusted d'an AOTROU, ar pezh a gasa, ha zoken o deus devet en tan o mibien hag o merc'hed d'o doueoù.

Adlezenn 18:9

Pa vi aet er vro a ro dit an AOTROU da Zoue, ne zeski ket ober traoù heñvel ouzh euzhusted ar pobloù-se.

Adlezenn 20:18

evit na zeskint ket deoc'h ober an holl euzhusted a reont e-keñver o doueoù, ha na bec'hot ket a-enep an AOTROU ho Toue.

Adlezenn 7:16

Distrujañ a ri an holl bobloù a roio dit an AOTROU da Zoue, da lagad a vo didruez ha ne serviji ket o doueoù, rak ur stign e vefe evidout.