Adlezenn 10:22 - Bibl Koad 21: Ar Bibl e Brezhoneg evit ar Vretoned

²² Da dadoù a ziskennas d'an Ejipt, bez' e oant dek ha tri-ugent, ha bremañ, an AOTROU da Zoue en deus lakaet ac'hanout da vezañ niverus evel stered an neñvoù.

Adlezenn 10:22 Referencias Cruzadas

Geneliezh 15:5

Neuze e kasas anezhañ er-maez hag e lavaras: Sell etrezek an neñv ha kont ar stered, mar gellez o c'hontañ. Hag e lavaras: Evel-se e vo da lignez.

Geneliezh 22:17

me a vennigo ac'hanout a-dra-sur, hag e kreskin da lignez a-dra-sur evel stered an neñvoù hag evel an traezh a zo war vord ar mor, ha da'z lignez e vo dalc'h dor hec'h enebourien.

Geneliezh 46:26

Holl dud Jakob o tont d'an Ejipt gantañ, ganet dioutañ, hep niveriñ gwragez mibien Jakob, a oa c'hwec'h ha tri-ugent.

Geneliezh 46:27

Mibien Jozef, ar re a oa ganet dezhañ en Ejipt, a oa daou zen. Holl dud ti Jakob o tont d'an Ejipt a oa dek ha tri-ugent.

Nehemia 9:23

Kresket ec'h eus o mibien evel stered an neñvoù, hag o c'haset d'ar vro az poa lavaret d'o zadoù ez ajent enni d'he ferc'hennañ.

Ermaeziadeg 1:5

An holl dud o tiskenn eus Jakob a oa dek ha tri-ugent. Jozef a oa en Ejipt.

Niveroù 26:51

Setu aze ar re eus mibien Israel a voe niveret, c'hwec'h kant ur mil seizh kant tregont.

Niveroù 26:62

Ar re a voe niveret, an holl baotred adalek an oad a ur miz hag ouzhpenn, a voe tri mil warn-ugent. Ne voent ket niveret gant mibien Israel, dre ma ne voe hêrezh ebet evito e-touez mibien Israel.

Actou an Ebestel 7:14

Jozef a gasas da gerc’hat Jakob e dad hag e holl gerentiezh, a oa anezho pemzek ha tri ugent.

Adlezenn 1:10

An AOTROU ho Toue en deus ho kresket, ha setu-c'hwi, hiziv, niverus evel stered an neñv.

Adlezenn 1:11

Ra gresko ac'hanoc'h c'hoazh an AOTROU, Doue ho tadoù, mil gwech kement all, ha ra vennigo ac'hanoc'h evel m'en deus lavaret deoc'h!

Adlezenn 26:5

Komz a ri adarre hag e lavari dirak an AOTROU da Zoue: Va zad a oa un Aramean prest da vont da get, diskenn a reas d'an Ejipt gant un nebeud tud hag e chomas eno, hag e teuas da vezañ ur bobl vras, kreñv ha niverus.

Adlezenn 28:62

C'hwi a chomo e niver bihan, el lec'h ma oac'h niverus evel stered an neñv, dre ma ne'z po ket sentet ouzh mouezh an AOTROU da Zoue.

Hebreed 11:12

Dre-se eus un den hepken hag a oa dija dinerzhet, eo bet ganet ur vandenn a dud ken niverus evel stered an neñv, evel traezh aod ar mor ha na c’hell ket bezañ kontet.