2 Samuel 24:25 - Bibl Koad 21: Ar Bibl e Brezhoneg evit ar Vretoned

²⁵ Ha David a savas eno un aoter d'an AOTROU, hag e kinnigas loskaberzhoù hag aberzhoù a drugarekadennoù, hag an AOTROU a voe peoc'haet e-keñver ar vro, hag ar gouli a baouezas en Israel.

2 Samuel 24:25 Referencias Cruzadas

Geneliezh 12:7

An AOTROU en em ziskouezas da Abram hag a lavaras: Me a roio ar vro-mañ da'z lignez! Hag e savas eno un aoter d'an AOTROU a oa en em ziskouezet dezhañ.

Geneliezh 22:9

Dont a rejont d'al lec'h m'en doa lavaret Doue. Abraham a savas eno un aoter, a renkas ar c'hoad, a liammas Izaak e vab hag a lakaas anezhañ war an aoter, dreist ar c'hoad.

Geneliezh 8:20

Noe a savas un aoter d'an AOTROU. Kemer a reas eus pep loen glan hag eus pep labous glan hag e kinnigas loskaberzhoù war an aoter.

2 Samuel 21:14

Sebeliet e voent gant eskern Saül ha Jonatan e vab, e bro Benjamin, e Zela, e bez Kish tad Saül. Graet e voe kement en doa gourc'hemennet ar roue. Ha goude-se, Doue a voe sioulaet e-keñver ar vro.

2 Samuel 24:14

David a respontas da C'had: Me a zo en un enkrez bras. Ra gouezhin bremañ etre daouarn an AOTROU, rak e drugarezioù a zo bras, ha ma ne gouezhin ket etre daouarn an dud.

1 Rouaned 1:1

David a oa kozh hag oadet bras. Goleiñ a raent anezhañ gant dilhad, ha ne domme ket dezhañ.

Ezekiel 16:42

Sevenet e vo va c'hounnar a-enep dit hag en em denno va gwarizi diwarnout, hag e vin e peoc'h ha ne gounnarin ken.

Niveroù 17:13

Piv bennak a dosta ouzh tabernakl an AOTROU a varv! Hag e vimp kuzumet holl en ur vont da get?

Ar Varnerien 21:4

An deiz war-lerc'h, ar bobl a savas beure mat hag a reas eno un aoter, hag e kinnigjont loskaberzhoù hag aberzhoù a drugarekadennoù.

Ar Varnerien 6:24

Eno e savas Gedeon un aoter d'an AOTROU, hag e c'halvas anezhi: AOTROU a beoc'h. Emañ c'hoazh hiziv en Ofra, war diriad Abiezer.

1 Samuel 13:9

Saül a lavaras: Degasit din ul loskaberzh hag aberzhoù a drugarekadennoù. Hag e kinnigas al loskaberzh.

1 Samuel 14:35

Saül a savas d'an AOTROU un aoter, a voe an aoter gentañ a savas d'an AOTROU .

1 Samuel 7:17

Hag e tistroe da Rama, rak eno e oa e di, hag eno e varne Israel, hag e savas eno un aoter d'an AOTROU .

1 Samuel 7:9

Neuze e kemeras Samuel un oan-laezh, a ginnigas en e bezh d'an AOTROU evel loskaberzh. Ha Samuel a grias etrezek an AOTROU evit Israel, hag an AOTROU a selaouas outañ.