2 Samuel 24:20 - Bibl Koad 21: Ar Bibl e Brezhoneg evit ar Vretoned

²⁰ Arauna a sellas hag a welas ar roue hag e servijerien o tont d'e gavout. Arauna a yeas er-maez hag a stouas dirak David, e zremm d'an douar.

2 Samuel 24:20 Referencias Cruzadas

Geneliezh 18:2

Sevel a reas e zaoulagad hag e sellas: setu, tri den a oa en o sav dirazañ. Adalek ma o gwelas, e redas a-raok dezho eus toull-dor e deltenn hag e stouas d'an douar.

2 Samuel 1:2

D'an trede deiz, setu un den a zeuas eus kamp Saül, gant e zilhad roget ha douar war e benn. O vezañ deuet da gavout David, e kouezhas d'an douar hag e stouas.

2 Samuel 24:19

David a bignas eta hervez komz Gad, evel m'en doa gourc'hemennet an AOTROU.

2 Samuel 24:21

Arauna a lavaras: Perak e teu ar roue va aotrou da gavout e servijer? David a respontas: Da brenañ da leur, evit sevel amañ un aoter d'an AOTROU, ma harzo ar gouli-mañ e-touez ar bobl.

2 Samuel 9:8

Hag e stouas en ur lavarout: Petra eo da servijer, ma ec'h eus sellet ouzh ur c'hi marv eveldon?

Levr Rud 2:10

Neuze e kouezhas war he dremm, e stouas d'an douar hag e lavaras: Penaos em eus kavet trugarez dirak da zaoulagad, ma taolez evezh ouzhin-me, un estrañjourez?