2 Samuel 24:2 - Bibl Koad 21: Ar Bibl e Brezhoneg evit ar Vretoned

² Hag ar roue a lavaras da Joab penn an arme, a oa en e gichen: Kae, kerzh dre holl veuriadoù Israel, adalek Dan betek Beer-Sheba, gra an niveradeg eus ar bobl, evit ma ouezin niver ar bobl.

2 Samuel 24:2 Referencias Cruzadas

Geneliezh 21:14

Abraham a savas beure-mat, a gemeras bara hag ur sac'h-dour hag o roas da Agar. O lakaat a reas war he skoaz, reiñ a reas dezhi ar bugel hag he c'hasas kuit. Hag ez eas hag e kerzhas e gouelec'h Beer-Sheba.

2 Samuel 17:11

Aliañ a ran neuze ma vefe dastumet holl Israel en-dro dit, adalek Dan betek Beer-Sheba, ken niverus hag an traezh a zo war vord ar mor, ha ma'z afes-te da-unan d'an emgann.

2 Samuel 2:13

Joab mab Zeruja, gant tud David, a yeas er-maez ivez, hag en em gavjont war-zu lenn Gabaon. Un darn en em zalc'he en tu-mañ d'al lenn, ha darn all en tu all d'al lenn.

2 Samuel 20:23

Joab a oa penn holl arme Israel, Benaja mab Jehojada a oa penn ar Geretiz hag ar Beletiz,

2 Samuel 23:37

Zelek an Ammonad, Naharai ar Beerotiad a zouge armoù Joab mab Zeruja,

2 Samuel 24:15

Hag an AOTROU a gasas ar vosenn war Israel, adalek ar mintin betek an amzer merket, hag e varvas er bobl adalek Dan betek Beer-Sheba dek mil den ha tri-ugent.

2 Samuel 3:10

o kas ar rouantelezh eus ti Saül d'e hini, hag o lakaat tron David war Israel ha war Juda, adalek Dan betek Beer-Sheba.

2 Samuel 8:16

Joab mab Zeruja a oa penn an arme, Jozafad mab Akilud a oa teuliour,

1 Danevelloù 21:2

David a lavaras da Joab ha da bennoù ar bobl: Kit, grit an niveradeg eus Israel, adalek Beer-Sheba betek Dan, ha degasit anezhi din, evit ma ouezin an niver.

2 Danevelloù 32:31

Ha pa gasas pennoù roue Babilon kannaded etrezek ennañ evit klevout diwar-benn ar burzhud a oa en em gavet er vro, Doue a zilezas anezhañ evit e amprouiñ, e-sell da c'houzout ar pezh a oa en e galon.

Krennlavarioù 29:23

Lorc'h an den a izela anezhañ, met an hini a zo izel a spered en devo gloar.

Jeremiaz 17:5

Evel-henn e komz an AOTROU: Milliget eo an den a fiz en den, a laka er c'hig e nerzh, a zistro e galon diouzh an AOTROU.

2 Korintiz 12:7

Ha gant aon n’en em c’hwezhfen re abalamour da vrasted dispar an diskuliadurioù-se, eo bet lakaet din em c’hig ur broud, un ael eus Satan, evit va c’hrabanata, evit n’en em uhelafen ket.

Ar Varnerien 20:1

Neuze holl vibien Israel a zeuas er-maez, adalek Dan betek Beer-Sheba ha betek bro C'halaad, hag ar vodadenn en em zastumas evel un den hepken dirak an AOTROU e Mizpa.