2 Samuel 17:11 - Bibl Koad 21: Ar Bibl e Brezhoneg evit ar Vretoned

¹¹ Aliañ a ran neuze ma vefe dastumet holl Israel en-dro dit, adalek Dan betek Beer-Sheba, ken niverus hag an traezh a zo war vord ar mor, ha ma'z afes-te da-unan d'an emgann.

2 Samuel 17:11 Referencias Cruzadas

Geneliezh 13:16

Ober a rin ma vo da lignez evel poultr an douar; mar gell unan bennak kontañ poultrenn an douar, da lignez ivez a vo kontet.

Geneliezh 21:14

Abraham a savas beure-mat, a gemeras bara hag ur sac'h-dour hag o roas da Agar. O lakaat a reas war he skoaz, reiñ a reas dezhi ar bugel hag he c'hasas kuit. Hag ez eas hag e kerzhas e gouelec'h Beer-Sheba.

Geneliezh 22:17

me a vennigo ac'hanout a-dra-sur, hag e kreskin da lignez a-dra-sur evel stered an neñvoù hag evel an traezh a zo war vord ar mor, ha da'z lignez e vo dalc'h dor hec'h enebourien.

2 Samuel 12:28

Dastum bremañ an nemorant eus ar bobl, ha kamp a-enep kêr ha kemer anezhi, gant aon na gemerfen kêr ha na vefe anvet eus va anv.

2 Samuel 24:2

Hag ar roue a lavaras da Joab penn an arme, a oa en e gichen: Kae, kerzh dre holl veuriadoù Israel, adalek Dan betek Beer-Sheba, gra an niveradeg eus ar bobl, evit ma ouezin niver ar bobl.

2 Samuel 3:10

o kas ar rouantelezh eus ti Saül d'e hini, hag o lakaat tron David war Israel ha war Juda, adalek Dan betek Beer-Sheba.

1 Rouaned 20:10

Ben-Hadad a gasas da lavarout dezhañ: Ra raio an doueoù din hervez o brasañ rustoni, ma vefe a-walc'h a boultr e Samaria evit leuniañ boz dorn an holl bobl a zeu war va lerc'h.

1 Rouaned 4:20

Juda hag Israel a oa niverus evel an traezh a zo war aod ar mor, ken niverus e oant. Debriñ, evañ ha laouenaat a raent.

Salmoù 9:16

Ar broadoù a zo kouezhet er poull o doa graet, o zroad a zo bet tapet er roued o doa kuzhet.

Jozue 11:4

Mont a rejont er-maez gant o holl luioù, ur bobl diniver, ken niverus hag an traezh a zo war ribl ar mor, gant kezeg ha kirri niverus-meurbet.

Ar Varnerien 20:1

Neuze holl vibien Israel a zeuas er-maez, adalek Dan betek Beer-Sheba ha betek bro C'halaad, hag ar vodadenn en em zastumas evel un den hepken dirak an AOTROU e Mizpa.

1 Samuel 13:5

Hag ar Filistined en em zastumas evit ober brezel da Israel, gant tregont mil karr ha c'hwec'h mil marc'heger, hag ur bobl niverus evel an traezh a zo war vord ar mor. Pignat a rejont hag e kampjont e Mikmash, ouzh sav-heol Bet-Aven.

1 Samuel 3:20

Hag holl Israel, adalek Dan betek Beer-Sheba, a ouie e oa lakaet Samuel da brofed an AOTROU .