2 Samuel 11:21 - Bibl Koad 21: Ar Bibl e Brezhoneg evit ar Vretoned

²¹ Piv en deus lazhet Abimelek mab Jerubbeshed? Ha ne oa ket ur vaouez a daolas warnañ ur maen milin diwar krec'h ar voger, hag e varvas e Tebez? Perak hoc'h eus tostaet ouzh ar voger? Neuze e lavari dezhañ: Da servijer Uri an Hitit a zo marvet ivez.

2 Samuel 11:21 Referencias Cruzadas

2 Samuel 11:17

Tud kêr a zeuas er-maez hag a stourmas a-enep Joab, ha kalz a dud a gouezhas e-touez servijerien David. Uri an Hitit a varvas ivez.

2 Samuel 11:20

marteze e fuloro ar roue en ur lavarout dit: Perak oc'h en em dostaet ouzh kêr d'ober brezel? Ha n'ouzoc'h ket e tenner diwar ar voger?

2 Samuel 11:22

Ar c'hannad eta a yeas, hag o vezañ erruet e roas da anavezout da Zavid an holl draoù en doa e gaset Joab evito.

2 Samuel 3:27

Abner a zistroas eta da Hebron, ha Joab en tennas a-du, en diabarzh eus an nor, evel evit komz outañ e kuzh, hag eno e skoas warnañ en e gof, hag e varvas en abeg da wad Asael breur Joab.

2 Samuel 3:34

Da zaouarn ne oant ket ereet, na da dreid chadennet gant hern, met kouezhet out evel ma kouezher dirak ar re zrouk! Hag an holl bobl en em adlakaas da ouelañ warnañ.

Salmoù 39:8

Ha bremañ AOTROU, petra am eus gortozet? Va esperañs a zo ennout.

Izaia 14:10

Holl e stagont da gomz hag e lavaront dit: Te ivez, setu-te hep nerzh eveldomp! Deuet out da vezañ heñvel ouzhimp!

Ar Varnerien 6:32

En deiz-se e voe anvet Jerubbaal, en ur lavarout: Ra en em zifenno Baal outañ, o vezañ ma en deus diskaret e aoter.

Ar Varnerien 7:1

Jerubbaal, hag a zo Gedeon, gant an holl bobl a oa gantañ, a savas beure mat, hag e kampjont e-kichen feunteun Harod. Kamp Madian a oa etrezek an hanternoz, war-zu krec'h More, en draonienn.