2 Samuel 1:12 - Bibl Koad 21: Ar Bibl e Brezhoneg evit ar Vretoned

¹² Hag e voent er c'hañv, hag e oueljont, hag e yunjont betek an noz abalamour da Saül ha da Jonatan e vab, ha da bobl an AOTROU, ha da di Israel, dre ma oant kouezhet dre ar c'hleze.

2 Samuel 1:12 Referencias Cruzadas

2 Samuel 3:35

Hag an holl bobl a zeuas evit ober da Zavid kemer un tamm boued, e-pad ma oa c'hoazh deiz; met David a douas o lavarout: Ra raio Doue din hervez an diwezhañ rustoni mar debran bara pe un dra bennak all a-raok ma vo kuzhet an heol.

Krennlavarioù 24:17

Pa vo kouezhet da enebour, ne laouenaio ket, ha pa vo diskaret, ne drido ket da galon,

Jeremiaz 9:1

O! Perak n'eo ket va fenn evel dour, ha va daoulagad evel ur feunteun a zaeroù? Gouelañ a rafen deiz ha noz war re varv merc'h va fobl.

Amoz 6:6

Evañ a reont gwin e kiboù bras, en em oleviñ a reont gant ar gwellañ c'hwezhioù-mat, ha n'int ket glac'haret gant dismantr Jozef.

Mazhev 5:44

Met me a lavar deoc’h: Karit hoc’h enebourien, bennigit ar re a villig ac’hanoc’h, grit vad d’ar re a gasa ac’hanoc’h, ha pedit evit ar re ho kwallgas hag hoc’h heskin,

2 Korintiz 11:29

Piv a zo gwan, ha ne vefen ket gwan? Piv a zeu da gouezhañ, ha ne vefen losket?

1 Pêr 3:8

A-hend-all, bezit holl eus un hevelep santad, truezus, oc’h en em garout evel breudeur, leun a drugarez, a volontez vat,

1 Samuel 31:13

Ha neuze e kemerjont o eskern evit o beziañ dindan ur wezenn e Jabez, hag e yunjont seizh deiz.

1 Samuel 31:6

Evel-se e varvas en deiz-se Saül hag e dri mab, hag e holl di a varvas a-gevret.