2 Rouned 4:2 - Bibl Koad 21: Ar Bibl e Brezhoneg evit ar Vretoned

² Elizea a lavaras dezhi: Petra 'rin evidout? Disklêr din ar pezh ac'h eus ez ti. Hag hi a lavaras: Da servijerez n'he deus netra en ti nemet ur podad eoul.

2 Rouned 4:2 Referencias Cruzadas

1 Rouaned 17:12

Met hi a respontas: An AOTROU da Zoue a zo bev! Ne'm eus ket a wastell, ne'm eus nemet un dornad bleud en ur brok hag ur banne eoul en ur vured. Setu e tastuman daou skod, hag ez in da aozañ kement-se evidon hag evit va mab. E zebriñ a raimp, ha goude e varvimp.

2 Rouned 2:9

Pa voent tremenet, Elia a lavaras da Elizea: Goulenn ar pezh a fell dit a rafen evidout, a-raok ma vin lamet diganit. Elizea a lavaras: Ra vo warnon, mar plij, ur muzul daougement eus da spered.

2 Rouned 4:3

Neuze e lavaras dezhi: Kae er-maez, goulenn listri digant da holl amezeien, listri goullo, ha na c'houlenn ket un niver bihan.

Ermaeziadeg 4:2

An AOTROU a lavaras: Petra a zo e-barzh da zorn? Respont a reas: Ur wialenn.

Mazhev 15:34

Jezuz a c’houlennas outo: Pet bara hoc’h eus? Hag int a lavaras: Seizh, hag un nebeud peskedigoù.

Actou an Ebestel 3:6

Neuze Pêr a lavaras dezhañ: Ne’m eus nag arc’hant nag aour, met ar pezh am eus, a roan dit: en anv Jezuz-Krist a Nazared, sav ha kerzh!

2 Korintiz 6:10

evel glac’haret ha ni bepred laouen koulskoude, evel peorien hag o pinvidikaat meur a hini koulskoude, evel o kaout netra ha ni o perc’hennañ an holl draoù koulskoude.

S. Jakes 2:5

Selaouit, va breudeur karet-mat, ha Doue n’en deus ket dibabet ar re baour eus ar bed-mañ evit ma vint pinvidik er feiz hag heritourien ar rouantelezh en deus prometet d’ar re a gar anezhañ?