2 Pêr 2:14 - Bibl Koad 21: Ar Bibl e Brezhoneg evit ar Vretoned

¹⁴ O daoulagad a zo leun a avoultriezh, ne baouezont ket da bec’hiñ, o klask da eren an eneoù n’int ket diazezet mat, o c’halon a zo roet d’an droukc’hoant, bez’ ez int bugale a vallozh.

Testamant Nevez 1897 (Jenkins)

¹⁴ ho daou‐lagad a zo leun a avoultriach, ha na baouezont ket da bec’hi; klask a reont tapoud an eneou n’int ket diazezet mad; ho c’halon a zo desket‐mad en avaristed; bugale a valloz int, pere,

2 Pêr 2:14 Referencias Cruzadas

Levr Job 31:7

Mar o deus distroet va c'hammedoù diouzh an hent, mar he deus va c'halon heuliet va daoulagad, mar ez eus ur saotr bennak staget ouzh va daouarn,

Levr Job 31:9

Mard eo bet va c'halon touellet gant ur vaouez, mard on bet o c'hedal e-kichen dor va nesañ,

Krennlavarioù 5:6

ne daol ket evezh ouzh gwenodenn ar vuhez, he hentoù a zo kemmus, ne c'hellez ket o anavezout.

Krennlavarioù 6:25

Na c'hoanta ket he c'haerder ez kalon, ha na lez ket anezhi da'z tapout gant he malvennoù.

Izaia 1:16

En em walc'hit, en em naetait, lamit a-zirak va daoulagad drougiezh hoc'h oberoù, ehanit d'ober fall,

Izaia 34:5

Rak va c'hleze a zo mezviet en neñvoù, setu ez an da ziskenn war Edom ha war ar bobl am eus lakaet da verz, evit he barn.

Izaia 65:20

Ne vo ken eno ur bugel pe ur c'hozhiad n'en devo ket peurc'hraet e zeizioù, rak an hini a varvo oadet a gant vloaz a vo yaouank, met ar pec'her hag a vo oadet a gant vloaz a vo milliget.

Jeremiaz 13:23

Un Etiopiad, ha cheñch a rafe e groc'hen, pe ul loupard e darchoù? Ha c'hwi a c'hellfe ober ar mad, pa'z oc'h bet desket d'ober an droug?

Ezekiel 13:18

Lavar: Evel-henn e komz an Aotrou AOTROU: Gwalleur d'ar re a zo o wriat pluegoù evit an daouarzorn, hag a ra gouelioù evit pennoù tud a bep ment, evit touellañ an eneoù. Hag e touellfec'h eneoù va fobl, hag e savetefec'h hoc'h eneoù-c'hwi?

Mazhev 12:34

Lignez a naered-gwiber, penaos e c’hellfec’h lavarout traoù mat, fall evel ma’z oc’h? Rak eus leunder ar galon e komz ar genoù.

Mazhev 23:14

Gwalleur deoc’h, skribed ha farizianed pilpouzed! Abalamour ma dismantrit tiez an intañvezed hag e rit evit ar gweled pedennoù hir. Abalamour da-se e viot barnet garvoc’h.

Mazhev 25:41

Neuze e lavaro d’ar re a vo a-gleiz dezhañ: Tec’hit diouzhin, tud villiget, it en tan peurbadus a zo bet kempennet evit an diaoul hag e aeled.

Mazhev 5:28

Met me a lavar deoc’h penaos piv bennak a sell ouzh ur vaouez gant c’hoantegezh anezhi, en deus dija graet avoultriezh ganti en e galon.

Sant Marc 13:22

Rak fals-kristed ha fals-profeded a savo, hag e raint sinoù ha burzhudoù da dromplañ, ma vije gallet, zoken ar re zibabet.

Sant Ian 5:44

Penaos e c’hellit krediñ, c’hwi hag a resev ho kloar an eil digant egile ha na glask ket ar gloar a zeu eus Doue hepken?

Romaned 16:18

Rak ar seurt tud-se ne servijont ket an Aotrou Jezuz-Krist, met o c’hof o-unan; dre gomzoù dous ha melus, e tromplont kalonoù a re zizrouk.

1 Korintiz 11:19

rak ret eo e vefe disrannoù en ho touez, evit ma vo diskuliet ar re ac’hanoc’h a zo aprouet.

Efeziz 2:3

En o zouez e vevemp holl gwechall, hervez droukc’hoantoù hor c’hig, oc’h oberiañ hervez youloù ar c’hig hag an ene, hag e oamp dre hon natur bugale a fulor evel ar re all.

Efeziz 4:14

evit na vimp ken bugale vihan, o chom war var ha kaset amañ hag ahont gant pep avel a gredenn dre dromplerezh an dud ha dre o gwidre da dromplañ dre droidellerezh,

Koloseiz 2:18

Ra ne dapo den ar priz diganeoc’h dre un izelegezh a-ziavaez ha dre lid an aeled, o kemer preder eus traoù n’en deus ket gwelet, o vezañ c’hwezet a ourgouilh hep poell gant e skiant kigel,

S. Jakes 1:8

lodennet eo e galon ha kildro eo en e holl hentoù.

2 Pêr 2:18

O terc’hel lavarioù c’hwezhet gant fouge, e tennont dre zroukc’hoantoù ar c’hig hag gant an hudurniezh tud hag o doa nebeud a-raok tec’het diouzh ar re a vev en diroll,

2 Pêr 2:3

Dre zroukc’hoant e korvoint ac’hanoc’h gant gerioù touellus, met abaoe pell amzer ne ehan o c’hondaonidigezh da dostaat hag o c’hollidigezh ne chom ket morgousket.

2 Pêr 3:16

A-hend-all e ra evel-se en e holl lizhiri pa gomz enno eus an traoù-mañ; lod ’zo diaes da gompren hag a vez distroet gant an dud diouiziek ha disur, kement hag ar Skriturioù all, evit o c’holl o-unan.

1 Yann 2:16

rak kement a zo er bed, c’hoantegezh ar c’hig, c’hoantegezh an daoulagad ha lorc’h ar vuhez ne zeu ket eus an Tad met eus ar bed.

S. Jud 1:11

Gwalleur dezho! Rak heuliet o deus hent Kain, en em daolet int e diheñchadur Balaam, karantez ar gounid, kollet int en enebiezh Kore.

Apocalyps 12:9

An aerouant bras a voe taolet kuit, an naer gozh anvet an diaoul ha Satan, an hini a douell ar bed holl, taolet e voe war an douar hag e aeled a voe taolet gantañ.