1 Samuel 7:6 - Bibl Koad 21: Ar Bibl e Brezhoneg evit ar Vretoned

⁶ En em zastum a rejont eta e Mizpa, hag eno e tennjont dour d'e skuilhañ dirak an AOTROU , hag e yunjont en deiz-se, hag e lavarjont: Pec'het hon eus a-enep an AOTROU! Ha Samuel a varnas mibien Israel e Mizpa.

1 Samuel 7:6 Referencias Cruzadas

Geneliezh 31:49

hag ivez Mizpa, dre ma lavaras Laban: Ra eveshaio an AOTROU etrezon-me ha te pa vimp en em dennet an eil digant egile.

2 Samuel 14:14

Rak a-dra-sur e varvimp, hag omp heñvel ouzh an doureier a red war an douar ha ne vez ket dastumet. Ha Doue ne lam ket e vuhez digantañ, met fellout a ra dezhañ tremen hep kas pell dioutañ an hini kaset kuit.

1 Rouaned 8:47

mar deuont enno o-unan er vro ma vint harluet enni, mar pedont o kaout keuz e bro ar re o devo o harluet, o lavarout: Pec'het hon eus, graet hon eus an droug, en em renet hon eus gant fallentez,

1 Danevelloù 11:18

Neuze an tri den-se a yeas a-dreuz kamp ar Filistined hag a dennas dour eus ar puñs a zo ouzh dor Betlehem, hag en degasjont d'e ginnig da Zavid. Met David ne fellas ket dezhañ e evañ, hag e skuilhas anezhañ dirak an AOTROU .

2 Danevelloù 20:3

Jozafad en doe aon, hag en em lakaas da glask an AOTROU, hag ur yun a embannas evit holl Juda.

Nehemia 9:27

Neuze ec'h eus o lakaet etre daouarn o enebourien o deus gwasket anezho. En amzer o enkrez e klemmjont war-zu ennout, hag eus an neñvoù ec'h eus o c'hlevet, ha te, hervez da drugarez vras, ec'h eus roet dezho dieuberien o deus o saveteet diouzh daouarn o enebourien.

Levr Job 16:20

Va mignoned a ra goap ouzhin, etrezek Doue eo e tro va daoulagad en ur ouelañ.

Levr Job 3:24

Rak e huanadan a-raok ma tebran, va c'hriadennoù a ruilh evel dour.

Levr Job 33:27

Kanañ a raio dirak an dud o lavarout: Pec'het em boa, diskaret em boa ar gwir, ha n'eo ket bet va foan kevatal,

Levr Job 40:4

Setu, displed on, petra a respontin dit? Lakaat a rin va dorn war va genoù.

Levr Job 42:6

Setu perak em eus euzh ouzhin, hag em eus keuz war ar poultr hag al ludu.

Salmoù 106:6

Pec'het hon eus, ni hag hon tadoù. Oberiet hon eus gant fallentez, an droug hon eus graet.

Salmoù 119:136

Stêrioù dour a red eus va daoulagad, dre na virer ket da lezenn.

Salmoù 42:3

Va ene en deus sec'hed eus Doue, eus an Doue bev. Pegoulz ez in hag en em zalc'hin dirak dremm Doue?

Salmoù 6:6

Rak er marv n'eus soñj ebet ac'hanout. Piv a veulo ac'hanout e lec'h ar marv?

Salmoù 62:8

E Doue emañ va silvidigezh ha va gloar. Va roc'h nerzhus, va skoazell a zo e Doue.

Jeremiaz 31:19

Goude bezañ distroet em eus bet keuz, goude bezañ bet desket em eus skoet war va morzhed. Mezhek ez on bet ha pinous, dre ma tougen dismegañs va yaouankiz.

Jeremiaz 36:9

D'ar pempvet bloaz eus Jojakim mab Jozia roue Juda, d'an navet miz, e voe embannet ur yun dirak an AOTROU, evit holl bobl Jeruzalem hag evit an holl bobl a zeue eus kêrioù Juda da Jeruzalem.

Jeremiaz 9:1

O! Perak n'eo ket va fenn evel dour, ha va daoulagad evel ur feunteun a zaeroù? Gouelañ a rafen deiz ha noz war re varv merc'h va fobl.

Klemmganoù 2:11

Va daoulagad a zo faezh gant an daeroù, va c'hreizon a verv. Va avu en em stlabez war an douar en abeg da c'houli merc'h va fobl. Ar bugaligoù hag ar magadelloù a sempl war leurioù kêr.

Klemmganoù 3:49

Va lagad a ouel dibaouez hag hep ehan,

Klemmganoù 5:16

Kurunenn hor penn a zo kouezhet. Gwalleur deomp, rak pec'het hon eus.

Ezekiel 20:4

Ha ne varni ket anezho, mab an den, ha ne varni ket anezho? Ro da anavezout dezho euzhusterioù o zadoù,

Ozea 5:1

Selaouit kement-mañ, aberzhourien! Bezit evezhiek, c'hwi ti Israel! Roit ho skouarn, ti ar roue! Rak ar varnedigezh a zo evidoc'h, dre ma'z oc'h bet ur pech e Mizpa, hag ur roued astennet war an Tabor.

Joel 2:12

Ha bremañ c'hoazh, eme an AOTROU, distroit din a holl galon, gant yun, daeroù ha klemmvanoù.

Leviegezh 16:29

Setu evidoc’h ur reolenn beurbadus: d’ar seizhvet miz, d’an dekvet deiz eus ar miz, ec’h izelaiot hoc’h eneoù, ne reot labour ebet, nag an henvroad nag an diavaeziad a chom en ho touez.

Leviegezh 26:40

Neuze ec’h anzavint o direizhder ha direizhder o zadoù, ha penaos o devo disentet ouzhin ha kerzhet a-enep din.

Sant Lucas 15:18

Sevel a rin hag ez in da gavout va zad hag e lavarin dezhañ: Tad, pec’het em eus a-enep an neñv hag a-enep dit,

Jozue 18:26

Mizpe, Kefira, Moza,

Ar Varnerien 10:10

Mibien Israel a grias etrezek an AOTROU o lavarout: Pec'het hon eus a-enep dit ha servijet hon eus ar Baaloù.

Ar Varnerien 10:15

Mibien Israel a lavaras d'an AOTROU: Pec'het hon eus, gra en hor c'heñver evel ma kavi mat, met dieub ac'hanomp hepken hiziv.

Ar Varnerien 2:4

Kerkent ha m'en doe lavaret ael an AOTROU ar c'homzoù-se da holl vibien Israel, e savas ar bobl o mouezh, hag e leñvjont.

Ar Varnerien 20:23

Mibien Israel o devoa pignet ha gouelet dirak an AOTROU betek an noz, ha goulennet kuzul o doa digant an AOTROU o lavarout: Hag e tostaimp c'hoazh d'an emgann a-enep mibien Benjamin va breudeur? Hag an AOTROU en doa lavaret: Pignit a-enep dezhañ.

Ar Varnerien 20:26

Neuze holl vibien Israel hag an holl bobl a bignas hag a zeuas da Vetel, gouelañ a rejont eno hag en em zalc'hjont dirak an AOTROU, hag e yunjont an deiz-se betek an noz, hag e kinnigjont loskaberzhoù hag aberzhoù a drugarekadennoù dirak an AOTROU.

Ar Varnerien 3:10

Spered an AOTROU a voe warnañ, hag e varnas Israel, hag ez eas d'ar brezel. An AOTROU a lakaas Kushan-Rishataim roue Mezopotamia etre e zaouarn, hag e zorn a voe galloudus a-enep Kushan-Rishataim.

1 Samuel 1:15

Anna a respontas o lavarout: Nann va aotrou, me a zo ur vaouez glac'haret en he spered, ne'm eus evet na gwin na boeson, met skuilhet em eus va ene dirak an AOTROU .

1 Samuel 10:17

Samuel a zastumas ar bobl dirak an AOTROU e Mizpa,

1 Samuel 12:10

Neuze e krijont d'an AOTROU o lavarout: Pec'het hon eus, rak dilezet hon eus an AOTROU ha servijet hon eus ar Baaloù hag Astarte. Met bremañ dieub ac'hanomp eus hon enebourien, hag e servijimp ac'hanout.

1 Samuel 7:15

Samuel a varnas Israel holl zeizioù e vuhez.