1 Samuel 7:3 - Bibl Koad 21: Ar Bibl e Brezhoneg evit ar Vretoned

³ Samuel a gomzas ouzh holl di Israel o lavarout: Mar distroit a holl galon d'an AOTROU , lamit eus ho touez an doueoù estren hag Astarte, ha distroit ho kalon etrezek an AOTROU , servijit-eñ hepken, hag ho tieubiñ a raio eus dorn ar Filistined.

1 Samuel 7:3 Referencias Cruzadas

Geneliezh 35:2

Jakob a lavaras d'e diegezh ha d'ar re holl a oa gantañ: Lamit an doueoù estren diouzh ho touez, en em c'hlanait ha cheñchit ho tilhad,

1 Rouaned 11:33

Kement-se dre m'o deus va dilezet, dre m'o deus stouet dirak Astarte doueez ar Sidoniz, dirak Kemosh doue Moab, dirak Milkom doue mibien Ammon, ha dre ma n'o deus ket kerzhet em hentoù, evit ober ar pezh a zo reizh dirak va daoulagad hag evit mirout va reolennoù ha va barnedigezhioù evel David e dad.

1 Rouaned 8:48

mar distroont da'z kavout a-greiz o holl galon hag o holl ene e bro o enebourien ma vint bet harluet enni, mar pedont o sellout etrezek o bro ac'h eus roet d'o zadoù, etrezek ar gêr-mañ ac'h eus dibabet, hag etrezek an ti-mañ am eus savet da'z anv,

2 Rouned 17:39

Met doujañ a reot an AOTROU ho Toue, hag e tieubo ac'hanoc'h diouzh dorn hoc'h holl enebourien.

2 Rouned 23:15

An aoter a oa e Betel, an uhellec'h bet graet gant Jeroboam mab Nebad, an hini en doa lakaet Israel da bec'hiñ, an aoter-se hag an uhellec'h a ziskaras, hag e tevas an uhellec'h, hag en lakaas e poultr, hag e tevas an Ashera.

1 Danevelloù 22:19

Bremañ lakait ho kalonoù hag hoc'h ene da glask an AOTROU ho Toue, savit, grit ur santual d'an AOTROU Doue, evit degas arc'h emglev an AOTROU ha listri santel Doue d'an ti a zle bezañ savet da anv an AOTROU .

1 Danevelloù 28:9

Ha te, Salomon va mab, anavez Doue da dad, servij-eñ gant ur galon eeun hag un ene youlus, rak an AOTROU a furch an holl galonoù hag a anavez pep mennad eus ar soñjoù. Mar klaskez anezhañ, e vo kavet ganit, met mar dilez anezhañ, ez taolo kuit da viken.

2 Danevelloù 19:3

Koulskoude traoù mat a vez kavet ennout, rak lamet ec'h eus an Asheraoù, hag out en em staget ez kalon da glask Doue.

2 Danevelloù 20:33

Koulskoude an uhellec'hioù ne voent ket lamet, hag ar bobl n'he doa ket troet he c'halon etrezek Doue o zadoù.

2 Danevelloù 30:19

en deus lakaet e galon da glask Doue, an AOTROU, Doue e dadoù, petra bennak ma n'en defe ket graet hervez glanidigezh ar santual.

Krennlavarioù 16:1

Soñjezonoù ar galon a zo e-barzh an den, met respont an teod a zeu eus an AOTROU.

Izaia 55:7

Ra zilezo an den drouk e hent, hag an den direizh e soñjoù, ha ra zistroio d'an AOTROU en devo truez outañ, d'hon Doue a bardon gant largentez.

Jeremiaz 24:7

Hag e roin dezho ur galon da'm anavezout, me an AOTROU, hag e vint va fobl hag e vin o Doue, dre ma tistroint da'm c'havout a-greiz-kalon.

Jeremiaz 36:3

Marteze ti Juda a glevo an holl zroug ez on e-sell d'ober dezho, hag e tistroio pep hini diwar e hent fall, hag e pardonin o drougiezh hag o fec'hed.

Jeremiaz 4:1

Israel, mar distroez, eme an AOTROU, mar distroez da'm c'havout, mar lamez da euzhusted a-zirazon, ne vi ken o kantreal,

Ezekiel 14:6

Setu perak e lavari da di Israel: Evel-henn e komz an Aotrou AOTROU: Distroit, distroit diouzh hoc'h idoloù, distroit ho tremmoù diouzh hoc'h holl euzhusterioù.

Ezekiel 18:31

Taolit pell diouzhoc'h hoc'h holl bec'hedoù hoc'h eus pec'het drezo, grit deoc'h ur galon nevez hag ur spered nevez. Perak e varvfec'h, ti Israel?

Ozea 14:1

Israel, distro d'an AOTROU da Zoue, rak kouezhet out dre da zireizhder.

Mazhev 15:8

Ar bobl-mañ a dosta ouzhin gant o genoù, a enor ac’hanon gant o muzelloù, met o c’halon a zo pell diouzhin.

Mazhev 4:10

Neuze Jezuz a lavaras dezhañ: A-dreñv, Satan! Rak skrivet eo: An Aotrou da Zoue a azeuli, hag eñ hepken a serviji.

Mazhev 6:24

Den ebet ne c’hell servijañ daou vestr, rak, pe e kasaio unan hag e karo egile, pe en em stago ouzh unan hag e tisprizo egile. Ne c’hellit ket servijañ Doue ha Mammon.

Sant Lucas 4:8

Jezuz a respontas dezhañ: A-dreñv din, Satan! Rak skrivet eo: An Aotrou da Zoue a azeuli, hag eñ hepken a serviji.

Sant Ian 4:24

Doue a zo Spered, hag ret eo d’ar re a azeul anezhañ, e azeuliñ e spered hag e gwirionez.

Adlezenn 10:20

Doujañ a ri an AOTROU da Zoue, hag e serviji anezhañ, hag en em stagi outañ, hag e toui dre e anv.

Adlezenn 13:4

Mont a reot war-lerc'h an AOTROU ho Toue hag e toujot anezhañ. Mirout a reot e c'hourc'hemennoù hag e sentot ouzh e vouezh, servijañ a reot anezhañ hag en em stagot outañ.

Adlezenn 4:29

Mar klaskez ac'hane an AOTROU da Zoue, e kavi anezhañ, pa en klaski eus da holl galon hag eus da holl ene.

Adlezenn 6:13

Doujañ a ri an AOTROU da Zoue, hag e serviji anezhañ, hag e toui dre e anv.

Jozue 13:31

Un hanter eus Galaad, Ashtarod hag Edrei, kêrioù rouantelezh Og e Basan, a voe da vibien Makir mab Manase, d'un hanter eus mibien Makir hervez o ziegezhioù.

Jozue 24:14

Bremañ eta, doujit an AOTROU , servijit anezhañ gant eeunder ha fealded, pellait an doueoù o deus servijet ho tadoù en tu all d'ar stêr hag en Ejipt, ha servijit an AOTROU .

Jozue 24:23

Bremañ eta, lamit an doueoù estren a zo en ho touez, ha troit ho kalonoù war-zu an AOTROU Doue Israel.

Ar Varnerien 10:16

Hag e lamjont eus o zouez an doueoù diavaeziek, evit servijañ an AOTROU. Truez en doe en e galon dirak glac'har Israel.

Ar Varnerien 10:6

Neuze mibien Israel a reas adarre an droug dirak daoulagad an AOTROU, hag e servijjont ar Baaloù hag Ashtarod, doueoù Siria, doueoù Sidon, doueoù Moab, doueoù mibien Ammon ha doueoù ar Filistined. Hag e tilezjont an AOTROU ha ne servijjont ken anezhañ.

Ar Varnerien 2:11

Mibien Israel a reas an droug dirak daoulagad an AOTROU, hag e servijjont ar Baaloù.

Ar Varnerien 2:13

Hag e tilezjont an AOTROU evit servijañ Baal hag Ashtarod.

1 Samuel 31:10

Lakaat a rejont e armoù e ti an Asheraoù, hag e stagjont e gorf ouzh moger Bet-Shan.