1 Samuel 7:12 - Bibl Koad 21: Ar Bibl e Brezhoneg evit ar Vretoned

¹² Ha Samuel a gemeras ur maen, a lakaas etre Mizpa ha Shen, hag en anvas Eben-Ezer, hag e lavaras: An AOTROU en deus hor sikouret betek amañ.

1 Samuel 7:12 Referencias Cruzadas

Geneliezh 22:14

Abraham a c'halvas al lec'h-se Jehova-Jire, e doare ma lavarer hiziv: War Venez an AOTROU e vo pourvezet.

Geneliezh 35:14

Jakob a savas ur peul e-lec'h m'en doa komzet outañ, ur peul-maen, hag e skuilhas un evaj-kinnig warnañ, hag e skuilhas eoul warnañ.

Salmoù 71:17

O Doue! Va c'helennet ec'h eus adalek va yaouankiz, ha betek vremañ em eus embannet da vurzhudoù.

Salmoù 71:6

En em harpet on warnout adalek va ganedigezh. Te eo an hini am zennas eus kof va mamm, te eo va meuleudi e pep amzer.

Ermaeziadeg 17:15

Moizez a savas un aoter hag en anvas Jehova-Nisi.

Izaia 19:19

En deiz-se e vo un aoter savet d'an AOTROU e-kreiz bro Ejipt, ha war hec'h harzoù ur maen-eñvor savet d'an AOTROU.

Actou an Ebestel 26:22

Met sikouret gant Doue, on chomet betek hiziv, o tougen testeni dirak ar re vihan ha dirak ar re vras, hep lavarout netra all nemet ar pezh en deus ar brofeded ha Moizez diouganet a dleje c’hoarvezout,

2 Korintiz 1:10

Eñ eo en deus hon dieubet hag hon dieub eus ur seurt marv, hag hon eus an esper-mañ e tieubo ac’hanomp c’hoazh.

Jozue 4:9

Jozue a savas ivez daouzek maen e-kreiz ar Jordan, el lec'h ma oa chomet treid an aberzhourien a zouge arc'h an emglev, hag emaint eno betek hiziv.

1 Samuel 14:35

Saül a savas d'an AOTROU un aoter, a voe an aoter gentañ a savas d'an AOTROU .

1 Samuel 4:1

Komz Samuel a voe evit holl Israel. Mont a reas Israel d'ar brezel a-enep ar Filistined, hag e kampjont e-kichen Eben-Ezer, hag ar Filistined a gampas en Afek.

1 Samuel 5:1

Ar Filistined a gemeras arc'h Doue, hag he c'hasas eus Eben-Ezer da Asdod.

1 Samuel 7:11

Tud Israel a yeas er-maez eus Mizpa hag a redas war-lerc'h ar Filistined, hag e skojont warno betek dindan Bet-Kar.