1 Samuel 26:21 - Bibl Koad 21: Ar Bibl e Brezhoneg evit ar Vretoned

²¹ Neuze Saül a lavaras: Pec'het em eus. Distro va mab David, ra ne rin droug ebet dit, pa'z eo bet prizius va buhez dit hiziv. Setu, graet em eus gant follentez, pec'het kalz-meurbet em eus.

1 Samuel 26:21 Referencias Cruzadas

2 Rouned 1:13

Akazia a gasas un trede ofiser a hanterkantad gant e hanter-kant den. An trede ofiser-mañ a hanterkantad a bignas hag a zeuas, hag en ur blegañ war e zaoulin dirak Elia, e pedas anezhañ o lavarout: Den Doue, da bediñ a ran, ra vo prizius ouzh da zaoulagad va buhez ha buhez an hanter-kant den-mañ, da servijerien!

2 Rouned 1:14

Setu, an tan a zo diskennet eus an neñvoù hag en deus lonket an daou ofiser kentañ a hanterkantad gant o hanter-kant den, met bremañ, ra vo prizius va buhez ouzh da zaoulagad.

Salmoù 116:15

Marv re garet-mat an AOTROU a zo prizius dirak e zaoulagad.

Salmoù 49:8

Met an den ne c'hell ket dasprenañ e vreur, na paeañ da Zoue e zic'haou.

Salmoù 72:14

Dasprenañ a raio o ene eus ar waskerezh hag eus an taerder, hag o gwad a vo prizius dirak e zaoulagad.

Ermaeziadeg 9:27

Faraon a gasas da c'hervel Moizez hag Aaron, hag a lavaras: Pec'het em eus ar wech-mañ, an AOTROU a zo reizh, ha me ha va fobl a zo fallakr.

Niveroù 22:34

Balaam a lavaras da ael an AOTROU: Pec'het em eus rak ne ouien ket en em zalc'hes a-enep din war an hent. Ha bremañ, mar displij kement-se dit, e tistroin.

Mazhev 27:4

o lavarout: Pec’het em eus o troukreiñ ar gwad didamall. Met int a lavaras dezhañ: Petra a ra-se deomp? An dra-se a sell ouzhit.

1 Samuel 13:13

Neuze Samuel a lavaras da Saül: Graet ec'h eus follentez, ne'c'h eus ket miret ar gourc'hemenn en deus roet dit an AOTROU da Zoue. Rak an AOTROU en dije bremañ startaet da ren war Israel da viken.

1 Samuel 15:24

Saül a lavaras da Samuel: Pec'het em eus, rak ne'm eus ket sentet ouzh gourc'hemenn an AOTROU hag ouzh da gomzoù, aon am boa rak ar bobl, hag em eus sentet ouzh o mouezh.

1 Samuel 15:30

Saül a lavaras: Pec'het em eus, met bremañ mar plij, ro enor din dirak henaourien va fobl ha dirak Israel; distro ganin, hag e stouin dirak an AOTROU da Zoue.

1 Samuel 18:30

Pennoù ar Filistined a yae er-maez da vrezeliñ, ha bep gwech ma'z aent, David en deveze muioc'h a c'hounid eget holl servijerien Saül, hag e anv a voe brudet bras.

1 Samuel 24:17

Hag e lavaras da Zavid: Reishoc'h out egedon, rak rentet ec'h eus din ar mad evit an droug am eus graet,

1 Samuel 26:22

David a respontas o lavarout: Setu amañ goaf ar roue, ra zeuio unan ac'hanoc'h d'e gerc'hat, ha ra en kemero.

1 Samuel 26:24

Evel m'eo bet prizius da ene dirak va daoulagad, evel-se e vo prizius va ene dirak daoulagad an AOTROU , hag e tieubo ac'hanon eus pep glac'har.

1 Samuel 27:4

Hag e voe lavaret da Saül e oa aet David betek Gad. Hag e paouezas da redek war e lerc'h.