1 Samuel 20:5 - Bibl Koad 21: Ar Bibl e Brezhoneg evit ar Vretoned

⁵ David a lavaras da Jonatan: Setu emañ al loar nevez warc'hoazh, hag e tlein azezañ gant ar roue da zebriñ. Met va lez da vont kuit da guzhat er parkeier betek abardaez an trede deiz.

1 Samuel 20:5 Referencias Cruzadas

2 Rouned 4:23

Eñ a lavaras: Perak e fell dit mont d'e gavout hiziv? N'eus nag al loar nevez nag ar sabad. Hi a respontas: Mont a ra!

Salmoù 55:12

An drougiezh a zo en he c'hreiz, ar waskerezh hag ar faosted ne bellaont ket diouzh e straedoù.

Salmoù 81:3

Kanit ar ganaouenn, lakait da zasseniñ an daboulinig, an delenn dudius hag al lourenn!

Krennlavarioù 22:3

An den poellek a ziaraog an droug hag en em guzh, met ar re eeun a dremen e-biou hag a vez kastizet.

Amoz 8:5

hag a lavar: Pegoulz e vo tremenet al loar nevez, ma werzhimp hon ed? Pegoulz e vo tremenet ar sabad, ma tigorimp hor solieroù? Bihanaat a raimp an efa hag e kreskimp ar sikl, hag e falsimp ar balañsoù evit touellañ,

Niveroù 10:10

En ho tevezhioù a levenez, en ho kouelioù, e penn-kentañ ho mizioù, e sonot gant an trompilhoù war ho loskaberzhoù ha war hoc'h aberzhoù a drugarekadennoù, hag e lakaint ac'hanoc'h da vezañ eñvoret en ho Toue. Me eo an AOTROU ho Toue.

Niveroù 28:11

E penn-kentañ ho mizioù, e kinnigot ul loskaberzh d'an AOTROU: daou gole yaouank, un tourz, seizh oan disi eus ur bloaz,

Sant Ian 8:59

Neuze e kemerjont mein evit o zeurel gantañ, met Jezuz en em guzhas hag a yeas er-maez eus an templ o tremen dre o c’hreiz, hag evel-se ez eas kuit.

Actou an Ebestel 17:14

Kerkent ar vreudeur a gasas kuit Paol, evit ober van da vont war-zu ar mor. Silaz ha Timote a chomas eno.

Koloseiz 2:16

Ra ne varno eta den ac’hanoc’h diwar-benn an debriñ pe an evañ, pe diwar-benn un deiz gouel pe ul loar nevez pe ur sabad,

1 Samuel 19:2

Ha Jonatan a zisklêrias kement-mañ da Zavid o lavarout: Saül va zad a glask da lazhañ, bremañ eta laka evezh ouzhit betek ar mintin, chom a-du, kae da guzhat.

1 Samuel 20:18

Jonatan a lavaras dezhañ: Warc'hoazh emañ al loar nevez, hag e vo goulennet diwar da benn, rak da lec'h a vo goullo.

1 Samuel 20:19

Met goude warc'hoazh e tiskenni buan, hag e teui war-zu al lec'h ma oas kuzhet da zeiz an afer-se, hag e chomi e-tal maen Ezel.

1 Samuel 20:24

Mont a reas eta David da guzhat er parkeier. Hag al loar nevez o vezañ deuet, ec'h azezas ar roue evit kemer e bred.

1 Samuel 20:27

Met an deiz war-lerc'h al loar nevez, an eil deiz, lec'h David a oa c'hoazh goullo, hag e lavaras Saül da Jonatan e vab: Perak n'eo ket deuet mab Jese da zebriñ, na dec'h na hiziv?

1 Samuel 20:4

Jonatan a lavaras da Zavid: Petra a fell dit e rafen? Hag en rin evidout.

1 Samuel 20:6

Mar goulenn da dad diwar va fenn, e responti: David en deus goulennet ouzhin mont en hast da Vetlehem e gêr, dre ma ra e holl diegezh un aberzh-bloaz eno.