1 Samuel 2:6 - Bibl Koad 21: Ar Bibl e Brezhoneg evit ar Vretoned

⁶ An AOTROU a ra mervel hag a ra bevañ. Eñ a ra diskenn d'al lec'h ar marv hag a ra da zont er-maez.

1 Samuel 2:6 Referencias Cruzadas

1 Rouaned 17:22

An AOTROU a selaouas mouezh Elia, hag ene ar bugel a zeuas ennañ en-dro, hag e vevas.

2 Rouned 5:7

Adalek ma lennas roue Israel al lizher, e rogas e zilhad hag e lavaras: Hag ez on Doue evit ober mervel pe vevañ, evit ma tegas hemañ etrezek ennon da yac'haat un den eus e lorgnez? Dre-se, gouezit ha gwelit ne glask nemet un digarez a-enep din.

Levr Job 5:18

Rak eñ a ra ar gouli, hag a lien; gloazañ a ra hag e zaouarn a bare.

Salmoù 116:3

Ereoù ar marv o doa va c'helc'hiet, enkrezioù ar bez o doa kroget ennon, kavet em boa an estrenvan hag ar glac'har,

Salmoù 30:4

AOTROU, lakaet ec'h eus va ene da adpignat eus lec'h ar marv. Va degaset ec'h eus en-dro d'ar vuhez, a-douez ar re a ziskenn d'ar poull.

Salmoù 68:20

Benniget ra vo an AOTROU, eñ hag a leugn ac'hanomp bemdez! Pa hor bec'hier, Doue eo hon dieubidigezh.  Ehan

Salmoù 71:20

Va lakaet ec'h eus da welout meur a estrenvan ha meur a boan, hag e tistroez da reiñ ar vuhez din, ha va lakaez da bignat er-maez eus donderioù an douar.

Ar Prezeger 3:3

ur mare evit lazhañ hag ur mare evit yac'haat, ur mare evit diskar hag ur mare evit sevel,

Izaia 26:19

Da re varv a vevo! Va c'horf marv a savo! Dihunit ha kanit gant levenez, tud ar boultrenn! Rak da c'hlizhenn a zo evel glizhenn ar sklêrijenn, hag an douar a roio en-dro ar re aet da get.

Ezekiel 37:12

Profediñ a ri hag e lavari dezho: Evel-henn e komz an Aotrou AOTROU: Setu e tigorin ho pezioù, hag e tennin ac'hanoc'h er-maez eus ho pezioù, va fobl, hag e tegasin ac'hanoc'h da zouar Israel.

Ezekiel 37:3

Hag e lavaras din: Mab an den, an eskern-se, hag e c'hellint advevañ? Hag e respontis: Aotrou AOTROU, te a oar.

Mazhev 12:40

Rak evel ma voe Jona tri devezh ha teir nozvezh e kof ur pesk bras, evel-se e vo Mab an den tri devezh ha teir nozvezh e kalon an douar.

Sant Ian 11:25

Jezuz a lavaras dezhi: Me eo an adsavidigezh hag ar vuhez, an hini a gred ennon, ha pa vefe marv, a vevo.

Adlezenn 32:39

Gwelit bremañ penaos eo me va-unan eo me, ha penaos n'eus doue all ebet nemedon. Me a ra mervel ha bevañ, me a c'hloaz hag a yac'ha, ha n'eus den hag a c'hell dieubiñ eus va dorn.

Apocalyps 1:18

an hini a zo bev. Bet on marv, ha setu, ez on bev e kantvedoù ar c’hantvedoù. Amen. Me am eus alc’houezioù lec’h ar marv hag ar marv.

1 Samuel 20:3

David a douas c'hoazh o lavarout: A-dra-sur e oar da dad em eus kavet trugarez dirak da zaoulagad, hag en devo lavaret: Ra ne ouio ket Jonatan kement-mañ, gant aon na vefe glac'haret. Met an AOTROU a zo bev ha da ene a zo bev, ur c'hammed 'zo etrezon-me hag ar marv.