1 Samuel 2:30 - Bibl Koad 21: Ar Bibl e Brezhoneg evit ar Vretoned

³⁰ Setu perak e lavar an AOTROU Doue Israel: Disklêriet em eus e kerzhje da di ha ti da dad dirazon da viken. Met bremañ e lavar an AOTROU: Pell diouzhin! Rak enoriñ a rin ar re a enor ac'hanon, met ar re am dispriz a vo disprizet.

1 Samuel 2:30 Referencias Cruzadas

1 Rouaned 11:11

An AOTROU a lavaras da Salomon: Peogwir ec'h eus graet evel-se, ha ne'c'h eus ket miret va emglev ha va reolennoù am boa roet dit, e rogin a-dra-sur ar rouantelezh diwarnout, hag e roin anezhi da'z servijer.

1 Rouaned 2:27

Evel-se Salomon a gasas Abiatar kuit, ha ne voe ken aberzhour d'an AOTROU, evit ma vefe sevenet ar gomz en doa disklêriet an AOTROU e Silo a-enep ti Heli.

1 Danevelloù 17:18

Petra a c'hellfe David lavarout dit diwar-benn an enor a rez da'z servijer? Anavezout a rez da servijer.

2 Danevelloù 15:2

hag ez eas da gavout Asa, hag e lavaras dezhañ: Asa hag holl Juda ha Benjamin, selaouit-me! An AOTROU a vez ganeoc'h pa vezit gantañ. Mar klaskit anezhañ, c'hwi en kavo; met mar dilezit anezhañ, eñ ho tilezo.

2 Danevelloù 26:18

a dalas ouzh ar roue Ozia, o lavarout dezhañ: N'eo ket dit, Ozia, da lakaat da vogediñ ezañs d'an AOTROU, met d'an aberzhourien, mibien Aaron, santelaet evit lakaat da vogediñ an ezañs. Kae er-maez eus ar santual, rak pec'het ec'h eus, ha kement-se ne vo ket evit da c'hloar dirak an AOTROU Doue.

Salmoù 18:20

Va lakaet en deus er frankiz, va dieubet en deus, rak kavet en deus e blijadur ennon.

Salmoù 18:26

Gant an hini a zo mat ez out mat, gant an hini a zo eeun ez out eeun,

Salmoù 50:23

An hini a ginnig ar veuleudi da aberzh a ro gloar din, ha d'an hini a daol evezh ouzh e hent, me a ziskouezo silvidigezh Doue.

Salmoù 73:20

Evel un huñvre pa zihuner, evel-se, AOTROU, pa zihunez e lakaez en dispriz o skeudenn aner.

Salmoù 91:14

Pa gar ac'hanon meurbet, eme an AOTROU, e tieubin anezhañ. Me en lakaio e surentez, dre ma'z anavez va anv.

Salmoù 91:15

Va aspediñ a raio hag e selaouin anezhañ, hag e vin gantañ en anken, hag en tenin ac'hane, hag e roin gloar dezhañ.

Ermaeziadeg 28:43

Aaron hag e vibien a vo gwisket ganto pa'z aint e teltenn an engalv, pe pa dostaint ouzh an aoter evit ober servij el lec'h santel, ha ne vint ket kablus ha ne varvint ket. Ur gourc'hemenn peurbadus eo evitañ hag evit e ziskennidi war e lerc'h.

Ermaeziadeg 29:9

Hag e lakai ar gourizoù da Aaron ha d'e vibien, hag e stagi ar mintroù dezho. Ar velegiezh a vo dezho dre ur gourc'hemenn peurbadus. Gouestlañ a ri Aaron hag e vibien.

Krennlavarioù 12:8

An den a vo meulet hervez e boell, met an hini a zo tuet fall a galon a vo disprizet.

Krennlavarioù 4:8

Azaouez anezhi hag hi a savo ac'hanout, reiñ a raio enor dit pa ez po staget outi,

Krennlavarioù 8:17

Me a gar ar re am c'har, hag ar re am c'hlask am c'hav.

Izaia 29:13

Lavaret en deus an AOTROU: Dre ma tosta ar bobl-mañ ouzhin gant o genoù, dre ma enor ac'hanon gant o muzelloù, met diouzhin e pellaont o c'halon, ha dre ma'z eo kelennet o doujañs ouzhin dre c'hourc'hemennoù tud,

Jeremiaz 29:32

en abeg da-se, evel-henn e komz an AOTROU: Setu ez an da gastizañ Shemaja an Nekelamad hag e lignez; n'en devo den o chom e-touez ar bobl-mañ, ha ne welo ket ar mad a rin da'm fobl, eme an AOTROU, rak en deus prezeget an dispac'h a-enep an AOTROU.

Jeremiaz 49:15

Rak setu, da lakaat a rin bihan e-touez ar broadoù, ha disprizet e-touez an dud.

Ezekiel 34:10

Evel-henn e komz an Aotrou AOTROU: Setu em eus droug ouzh ar vêsaerien-se, hag ec'h adc'houlennin va deñved digant o daouarn, hag e harzin outo a beuriñ an deñved, ha n'en em beurint ken o-unan. Hag e tieubin va deñved eus o genoù, ha ne vint ken ur boued evito.

Daniel 4:34

Met e diwezh an deizioù-se, me Nebukadnezar a savas va daoulagad war-zu an neñv, va skiant-vat a zistroas din, hag e vennigis an Uhel-Meurbet, hag e veulis anezhañ, ha rois gloar d'an Hini a vev da viken hag a zo e riegezh ur riegezh peurbadus, hag a bad e rouantelezh a oad da oad.

Malaki 1:6

Ur mab a enor e dad, hag ur servijer a enor e vestr. Mard on tad, pelec'h emañ an enor a zo din? Mard on mestr, pelec'h emañ an aon a zo dirazon? eme AOTROU an armeoù deoc'h-c'hwi, aberzhourien a zispriz va anv, hag a lavar: E petra hon eus disprizet da anv?

Malaki 2:3

Setu, distrujañ a rin hoc'h haderezh, ha skuilhañ a rin teil war ho tremmoù, teil loened hoc'h aberzhoù, hag e viot kaset kuit ganto.

Niveroù 11:20

met e-pad ur miz leun, betek ma teuio er-maez eus ho tivfron ha ma viot stamouzet gantañ, dre ma hoc'h eus disprizet an AOTROU a zo en ho touez ha ma hoc'h eus gouelet dirazañ o lavarout: Perak omp aet kuit eus an Ejipt?

Niveroù 35:34

Ne saotrot ket ar vro emaoc'h o vont da chom enni hag e vin o chom e-barzh. Me eo an AOTROU a zo o chom e-touez mibien Israel.

Sant Ian 12:26

Mar servij unan bennak ac’hanon, ra zeuio war va lerc’h, hag e-lec’h ma’z on, eno e vo ivez va servijer. Mar servij unan bennak ac’hanon, an Tad a enoro anezhañ.

Sant Ian 5:23

evit ma’c’h enoro an holl ar Mab, evel ma’c’h enoront an Tad. An hini na enor ket ar Mab n’enor ket an Tad en deus e gaset.

Sant Ian 5:44

Penaos e c’hellit krediñ, c’hwi hag a resev ho kloar an eil digant egile ha na glask ket ar gloar a zeu eus Doue hepken?

Sant Ian 8:49

Jezuz a respontas: Ne’m eus ket un diaoul met enoriñ a ran va Zad, hag e tizenorit ac’hanon.

1 Korintiz 4:5

Dre-se na varnit netra a-raok an amzer, betek ma teuio an Aotrou, a lakaio da vezañ sklaer an traoù kuzhet en deñvalijenn hag a ziskulio soñjoù ar c’halonoù. Neuze Doue a roio da bep hini e veuleudi.

1 Pêr 1:7

evit ma teuio amprouenn ho feiz, priziusoc’h eget an aour a ya da goll hag a zo koulskoude amprouet dre an tan, da dreiñ evidoc’h e meuleudi, enor ha gloar, da emziskuliadur Jezuz-Krist.

Ar Varnerien 9:10

Hag ar gwez a lavaras d'ar fiezenn: Deus-te, ha ren warnomp.