1 Samuel 2:25 - Bibl Koad 21: Ar Bibl e Brezhoneg evit ar Vretoned

²⁵ Mar pec'h un den a-enep un den all, Doue en barno; met mar pec'h unan bennak a-enep an AOTROU , piv a bedo evitañ? Met ne sentjont ket ouzh mouezh o zad, rak an AOTROU a felle dezhañ o lakaat d'ar marv.

1 Samuel 2:25 Referencias Cruzadas

Geneliezh 38:10

Ar pezh a rae a zisplije d'an AOTROU hag e lakaas anezhañ da vervel ivez.

Geneliezh 38:7

Er, kentañ-ganet Juda, a voe fall dirak daoulagad an AOTROU, hag an AOTROU a lakaas anezhañ da vervel.

1 Rouaned 8:31

P'en devo pec'het unan bennak a-enep e nesañ, hag e vo lakaet warnañ ober ul le evit ober dezhañ touiñ, ma teuio d'ober e le dirak da aoter en ti-mañ,

1 Rouaned 8:32

selaou-eñ eus an neñvoù, gra ha barn da servijerien, en ur reiñ e c'hopr d'an den fall dre lakaat e hent da gouezhañ war e benn, hag en ur reishaat an den reizh dre reiñ dezhañ hervez e reizhder.

2 Danevelloù 10:15

Ar roue ne selaouas ket ouzh ar bobl, ha kement-se a zeue a-berzh Doue, evit ma vefe sevenet ar gomz en doa lavaret an AOTROU da Jeroboam mab Nebad dre Akija eus Silo.

2 Danevelloù 25:16

Hag evel ma komze ouzh ar roue, ar roue a lavaras dezhañ: Hag out bet lakaet da guzulier ar roue? En em denn! Perak e vefe skoet warnout? Ar profed en em dennas en ur lavarout: Gouzout a ran en deus divizet Doue da zistrujañ ac'hanout, dre ma ec'h eus graet-se ha ne'c'h eus ket selaouet va ali.

Levr Job 9:33

N'eus tredeog ebet etrezomp, a lakafe e zorn warnomp hon daou.

Salmoù 51:16

Va dieub eus ar gwad skuilhet, o Doue, Doue va silvidigezh! Va zeod a gano kreñv da reizhder.

Salmoù 51:4

va gwalc'h da vat eus va direizhder, ha va glana eus va fec'hed,

Krennlavarioù 13:1

Ar mab fur a selaou kelennadurezh e dad, met ar goapaer ne selaou ket ar rebechoù.

Krennlavarioù 15:10

Ur c'hastiz rust a c'hortoz an hini a zilez ar wenodenn, hag an hini a gasa ar rebech a varvo.

Krennlavarioù 29:1

An den hag a reud e c'houzoug pa vez rebechet, a vo torret buan, ha ne vo ket yac'haet.

Ar Prezeger 3:3

ur mare evit lazhañ hag ur mare evit yac'haat, ur mare evit diskar hag ur mare evit sevel,

Niveroù 15:30

Met an hini a raio-se a zorn savet pe henvroad pe diavaeziad, e tismegañso an AOTROU; an den-se a vo lamet a-douez e bobl.

Adlezenn 1:17

Ne reot van eus diavaez an dud er barnedigezhioù, selaou a reot an hini bihan evel an hini bras, n'ho po aon rak den ebet, rak ar varn a zo da Zoue, hag e lakaiot da zont dirazon an dra a vo re ziaes evidoc'h, ha me he c'hlevo.

Adlezenn 2:30

Sihon, roue Hesbon, ne fellas ket dezhañ hol lezel da dremen dre e vro, rak an AOTROU da Zoue en doa kaletaet e spered ha reudet e galon, evit lakaat anezhañ etre da zaouarn, evel m'emañ hiziv.

1 Timote 2:5

Rak n’eus nemet un Doue hepken, hag un hanterour hepken etre Doue hag an dud, an den Jezuz-Krist,

Hebreed 10:26

Rak mar pec’homp a-youl goude bezañ resevet anaoudegezh ar wirionez, ne chom aberzh ebet evit ar pec’hedoù,

Hebreed 10:27

met ur gortoz spontus eus ar varn hag eus an tan leskidik a dle lonkañ an enebourien.

Hebreed 7:25

Dre-se e c’hell salviñ ervat ar re a dosta ouzh Doue drezañ, pa’z eo bev bepred evit erbediñ evito.

Jozue 11:20

ha kement-se a zeue a-berzh an AOTROU , en doa kaletaet o c'halon evit mont d'ar brezel a-enep Israel hag evit bezañ lakaet da verz hep ma vije trugarez evito, hag evit ma vefent distrujet evel m'en doa gourc'hemennet an AOTROU da Voizez.

1 Samuel 3:14

Setu perak em eus touet da di Eli, na vefe biken dic'haouet direizhder ti Eli na dre aberzh na dre zonezon.