1 Samuel 19:5 - Bibl Koad 21: Ar Bibl e Brezhoneg evit ar Vretoned

⁵ Lakaet en deus e vuhez war var ha lazhet ar Filistin, hag an AOTROU en deus graet drezañ un dieubidigezh vras evit holl Israel. Gwelet ec'h eus hag ec'h eus bet levenez. Perak pec'hiñ a-enep ar gwad didamall o lakaat David d'ar marv hep abeg?

1 Samuel 19:5 Referencias Cruzadas

2 Samuel 23:10

Sevel a reas hag e skoas war ar Filistined betek ma voe skuizh e zorn ha ma chomas stag ouzh e gleze. En deiz-se an AOTROU a roas un dieubidigezh vras. Ar bobl a zistroas war-lerc'h Eleazar evit diwiskañ.

1 Danevelloù 11:14

Hag en em lakajont e-kreiz al lodenn-mañ, hag e tifennjont anezhi, hag e piljont ar Filistined. An AOTROU a roas dezho un dieubidigezh vras.

1 Danevelloù 11:18

Neuze an tri den-se a yeas a-dreuz kamp ar Filistined hag a dennas dour eus ar puñs a zo ouzh dor Betlehem, hag en degasjont d'e ginnig da Zavid. Met David ne fellas ket dezhañ e evañ, hag e skuilhas anezhañ dirak an AOTROU .

Salmoù 109:5

Rentet o deus din an droug evit ar mad, hag ar gasoni evit ar garantez.

Salmoù 119:109

Va buhez a zo dalc'hmat en arvar, koulskoude ne'm eus ket ankounac'haet da lezenn.

Salmoù 25:3

A-dra-sur, hini eus ar re a zo en gortoz ac'hanout ne vo mezhek. Ar re-se a vo mezhek, ar re a ra gant fallentez hep abeg.

Salmoù 69:4

Skuizh on o krial, va gouzoug a zo disec'het, va daoulagad en em guzum o c'hortoz va Doue.

Salmoù 94:21

En em zastum a reont a-enep ene an den reizh, hag e kondaonont ar gwad didamall.

Ermaeziadeg 14:13

Moizez a lavaras d'ar bobl: N'ho pet ket aon, chomit aze ha gwelit ar silvidigezh a vo roet deoc'h hiziv gant an AOTROU , rak an Ejipsianed a welit hiziv, ne welot anezho mui biken.

Jeremiaz 26:15

Gouezit hepken mar lakait ac'hanon d'ar marv, e lakaiot gwad didamall warnoc'h, war ar gêr-mañ, war he zud. Rak e gwirionez en deus va c'haset an AOTROU etrezek ennoc'h evit disklêriañ ouzh ho tivskouarn ar c'homzoù-mañ.

Mazhev 27:24

Pilat, o welout penaos ne c’houneze netra met e kreske an drubuilh, a gemeras dour hag a walc’has e daouarn dirak ar bobl, o lavarout: Didamall on eus gwad an den reizh-mañ. Ouzhoc’h-c’hwi e sell kement-se.

Mazhev 27:4

o lavarout: Pec’het em eus o troukreiñ ar gwad didamall. Met int a lavaras dezhañ: Petra a ra-se deomp? An dra-se a sell ouzhit.

Sant Ian 15:25

Met kement-se a zo evit ma vo peurc’hraet ar ger a zo skrivet en o lezenn: Va c’hasaet o deus hep abeg.

Actou an Ebestel 20:24

Met n’en em lakaan e poan eus netra ha va buhez n’eo ket prizius din, gant ma peurechuin gant levenez va redadenn hag ar ministrerezh am eus resevet digant an Aotrou Jezuz evit prezeg an Aviel eus gras Doue.

Filipiz 2:30

Rak bet eo tost d’ar marv evit labour Krist, o vezañ risklet e vuhez evit sikour ac’hanon er servij na c’hellec’h ket reiñ din hoc’h-unan.

Hebreed 2:3

penaos e c’hellimp tec’hout kuit mar dilezomp ur silvidigezh ken bras, a zo bet prezeget da gentañ gant an Aotrou, a zo bet roet deomp evel gwirion gant ar re o deus e glevet,

Ar Varnerien 12:3

Pa em eus gwelet na zieubec'h ket ac'hanon, lakaet em eus va buhez en arvar, aet on war-zu mibien Ammon, hag an AOTROU o lakaas em dorn. Perak eta oc'h pignet hiziv a-enep din, evit ober brezel din?

Ar Varnerien 9:17

Va zad en deus brezelet evidoc'h, lakaet en deus e vuhez en arvar, ha dieubet en deus ac'hanoc'h eus dorn Madian.

1 Samuel 11:13

Saül a lavaras: Den ne vo lakaet d'ar marv en deiz-mañ, rak hiziv en deus graet an AOTROU un dieubidigezh en Israel.

1 Samuel 14:45

Met ar bobl a lavaras da Saül: Hag e varvfe Jonatan, eñ hag en deus roet un dieubidigezh ken bras da Israel? Ne c'hell ket bezañ! An AOTROU a zo bev! Ne gouezho d'an douar blevenn ebet eus e benn, rak gant Doue eo en deus graet-se hiziv. Ar bobl a zieubas Jonatan ha ne varvas ket.

1 Samuel 19:6

Saül a selaouas ouzh mouezh Jonatan hag a douas: An AOTROU a zo bev! Ne varvo ket.

1 Samuel 20:32

Jonatan a respontas da Saül e dad hag a lavaras dezhañ: Perak e vefe lakaet d'ar marv? Petra en deus graet?

1 Samuel 22:14

Akimelek a respontas d'ar roue o lavarout: Piv eta, a-douez da holl servijerien, a zo ken leal ha David mab-kaer ar roue, a zo aet war da c'hourc'hemenn, hag a zo enoret ez ti?

1 Samuel 28:21

Neuze ar vaouez a zeuas da gichen Saül, hag o welout e oa gwall drubuilhet, e lavaras dezhañ: Setu, da servijerez he deus sentet ouzh da vouezh e riskl d'he buhez; sentet em eus ouzh ar c'homzoù ac'h eus lavaret din,