1 Samuel 19:20 - Bibl Koad 21: Ar Bibl e Brezhoneg evit ar Vretoned

²⁰ Saül a gasas tud da dapout David, hag e weljont ur vodadeg brofeded o profediñ, ha Samuel en e sav a rene warno. Spered Doue a zeuas war ar re gaset gant Saül, hag e profedjont ivez.

1 Samuel 19:20 Referencias Cruzadas

Joel 2:28

Hag e c'hoarvezo goude an traoù-se ma skuilhin va Spered war bep kig, ho mibien hag ho merc'hed a brofedo, ho tud kozh o devo huñvreoù hag ho tud yaouank o devo gweledigezhioù.

Niveroù 24:2

Balaam a savas e zaoulagad hag a welas Israel o kampiñ dre veuriad. Spered Doue a zeuas warnañ.

Sant Ian 7:32

Ar farizianed a glevas ar bobl o lavarout kement-se diwar e benn. Ar veleien vras hag ar farizianed a gasjont serjanted evit kregiñ ennañ.

1 Korintiz 14:3

An hini a brofed a gomz ouzh an dud evit o c’henteliañ, o atizañ, o frealziñ.

1 Samuel 10:10

Pa'c'h errujont e Gibea, setu, ur bagad profeded en em gavas dirazañ. Ha Spered an AOTROU a grogas ennañ, hag e profedas en o zouez.

1 Samuel 19:11

Met Saül a gasas tud etrezek ti David evit e ziwall hag e lakaat d'ar marv diouzh ar mintin. Mikal gwreg David en disklêrias dezhañ o lavarout: Ma ne dec'hez ket en noz-mañ, warc'hoazh e vi lakaet d'ar marv.

1 Samuel 19:14

Pa gasas Saül tud da dapout David, hi a lavaras: Klañv eo.

1 Samuel 19:19

Disklêriet e voe da Saül o lavarout: Setu emañ David e Najod e-kichen Rama.

1 Samuel 19:21

Pa voe lavaret kement-se da Saül, e kasas tud all, a brofedas ivez. Ha Saül a gasas tud all evit an deirvet gwech, hag e profedjont ivez.