1 Samuel 17:50 - Bibl Koad 21: Ar Bibl e Brezhoneg evit ar Vretoned

⁵⁰ Evel-se David, gant ur vatalm hag ur maen, a voe kreñvoc'h eget ar Filistin, hag e skoas gant ar Filistin, hag en lakaas d'ar marv. David n'en doa kleze ebet en e zorn.

1 Samuel 17:50 Referencias Cruzadas

Ar Varnerien 15:15

O vezañ kavet karvan un azen, fresk bev, ec'h astennas e zorn, he c'hemeras, hag e lazhas ganti mil den.

Ar Varnerien 3:31

War e lerc'h e voe Shamgar mab Anath. Kannañ a reas c'hwec'h kant Filistin gant ur broud ejen, hag eñ ivez a zieubas Israel.

1 Samuel 13:22

Hag e c'hoarvezas, da zevezh an emgann, ma ne voe kavet na kleze na goaf e daouarn an holl bobl a oa gant Saül ha Jonatan. Kavet e voe hepken gant Saül ha Jonatan.

1 Samuel 17:39

Goude David a c'hourizas e gleze war e zilhad, hag en em lakaas da gerzhout, rak n'en doa ket esaeet. David a lavaras da Saül: Ne c'hellan ket kerzhout, rak n'on ket boas. Ha David o lamas diwarnañ.

1 Samuel 17:49

Neuze David a lakaas e zorn en e sac'h, a gemeras ur maen dioutañ, e daolas gant e vatalm, hag a skoas gant ar Filistin en e dal, hag ar maen a yeas don en e dal. Hag e kouezhas war e zremm d'an douar.

1 Samuel 17:51

David a redas, en em daolas war ar Filistin, a gemeras e gleze a dennas eus e c'houin, en lazhas, hag a droc'has dezhañ e benn. Pa welas ar Filistined e oa marv o den kreñv, e tec'hjont.

1 Samuel 19:5

Lakaet en deus e vuhez war var ha lazhet ar Filistin, hag an AOTROU en deus graet drezañ un dieubidigezh vras evit holl Israel. Gwelet ec'h eus hag ec'h eus bet levenez. Perak pec'hiñ a-enep ar gwad didamall o lakaat David d'ar marv hep abeg?

1 Samuel 21:9

An aberzhour a lavaras: Setu kleze Goliad ar Filistin, an hini ac'h eus lazhet e traonienn an dervenn; paket eo en un dilhad a-drek an efod, ma fell dit, kemer-eñ evidout, rak n'eus amañ hini all ebet nemet hemañ. David a lavaras: N'eus ket eveltañ, ro-eñ din.

1 Samuel 23:21

Saül a lavaras: Ra vennigo an AOTROU ac'hanoc'h, rak hoc'h eus bet truez ouzhin.