1 Samuel 17:43 - Bibl Koad 21: Ar Bibl e Brezhoneg evit ar Vretoned

⁴³ Ar Filistin a lavaras da Zavid: Hag ez on ur c'hi, ma teuez da'm c'havout gant bizhier? Hag ar Filistin a villigas David dre e zoueoù.

1 Samuel 17:43 Referencias Cruzadas

Geneliezh 27:29

Ra servijo pobloù ac'hanout ha ra stouo broadoù dirazout! Bez mestr da vreudeur ha ra stouo mibien da vamm dirazout! Ra vo milliget piv bennak az milligo, ha ra vo benniget piv bennak az pennigo!

2 Samuel 16:5

Ar roue David a yeas betek Bakurim. Ha setu e teuas un den ac'hane, eus tiegezh Saül, anvet Shimei mab Gera. Dont a reas er-maez en ur vallozhiñ,

2 Samuel 16:9

Neuze Abishai mab Zeruja a lavaras d'ar roue: Perak e villigfe ar c'hi marv-se ar roue va aotrou? Va lez da vont a-raok, evit lemel e benn digantañ.

2 Samuel 3:8

Abner a voe gwall fuloret en abeg da gomzoù Ishboshed, hag e lavaras dezhañ: Daoust hag-eñ ez on ur penn ki a-enep Juda, me a ziskouez hiziv madelezh e-keñver ti Saül da dad, hag e-keñver e vreudeur hag e vignoned, me na'z laka ket etre daouarn David? Hag e rebechez din hiziv ur mank gant ar vaouez-se?

2 Samuel 9:8

Hag e stouas en ur lavarout: Petra eo da servijer, ma ec'h eus sellet ouzh ur c'hi marv eveldon?

1 Rouaned 20:10

Ben-Hadad a gasas da lavarout dezhañ: Ra raio an doueoù din hervez o brasañ rustoni, ma vefe a-walc'h a boultr e Samaria evit leuniañ boz dorn an holl bobl a zeu war va lerc'h.

2 Rouned 8:13

Hazael a lavaras: Met piv eo da servijer, ha n'eo nemet ur c'hi, evit ober traoù ken bras? Elizea a respontas: An AOTROU en deus diskouezet din e vi roue eus Siria.

Krennlavarioù 26:2

Evel ma tec'h ul labous hag evel ma nij ar wennili, evel-se ar vallozh dizellid ne zeuio ket.

Niveroù 22:6

Deus bremañ, millig ar bobl-se rak galloudusoc'h eo egedon; marteze e c'hellin trec'hiñ anezho hag o c'has kuit eus ar vro, rak gouzout a ran penaos an hini a vennigez a zo benniget hag an hini a villigez a zo milliget.

Ar Varnerien 9:27

Mont a rejont war ar maez da vendemiñ o gwini, da jaodriñ ha d'ober chervad. Neuze ez ejont da di o doue da zebriñ ha da evañ, hag e villigjont Abimelek.

1 Samuel 14:12

Hag ar warded a grias da Jonatan ha d'an hini a zouge e armoù o lavarout: Pignit d'hor c'havout, hag e tiskouezimp deoc'h un dra bennak. Jonatan a lavaras d'an hini a zouge e armoù: Pign war va lerc'h, rak an AOTROU en deus o lakaet etre daouarn Israel.

1 Samuel 24:14

War-lerc'h piv eo aet roue Israel? War-lerc'h piv e redez? Ur c'hi marv? Ur c'hwenenn?

1 Samuel 24:15

An AOTROU eta a vo barner, hag a varno etrezon-me ha te. Sellout a raio, breutaat a raio va c'haoz, hag em savetaio eus da zorn.