1 Samuel 17:4 - Bibl Koad 21: Ar Bibl e Brezhoneg evit ar Vretoned

⁴ Neuze e teuas er-maez eus kamp ar Filistined un den en em ziskouezas etre an daou lu hag a oa anvet Goliad; eus Gad e oa. E uhelder a oa c'hwec'h ilinad hag ur palvad.

1 Samuel 17:4 Referencias Cruzadas

1 Danevelloù 11:23

Skeiñ a reas war un Ejipsian pemp ilinad sav dezhañ. An Ejipsian-se en doa en e zorn ur goaf evel ur granenn eus ur stern-gwiader. Met eñ a ziskennas d'e gavout gant ur vazh, hag e tiframmas ar goaf eus dorn an Ejipsian, hag e lazhas anezhañ gant e c'hoaf.

Amoz 2:9

Koulskoude em eus distrujet an Amorean dirazo, ma oa e uhelder evel uhelder ar sedrez, hag e greñvder evel hini an derv; distrujet em eus e frouezh en nec'h hag e wrizioù en traoñ.

Adlezenn 3:11

Og, roue Basan, a oa e-unan manet e dilerc'h ar Refaim. E wele a oa ur gwele houarn, ha n'emañ ket e Rabbad e-touez mibien Ammon? E hirder a zo nav ilinad, e ledander pevar ilinad, a ilinad den.

Jozue 11:22

Ne chomas ket a Anakim e bro mibien Israel, nemet e Gaza, e Gad hag en Asdod.

1 Samuel 17:23

Evel ma komze ganto, setu, an den anvet Goliad, ar Filistin eus Gad, en em lakaas etre an daou lu, en ur bignat er-maez eus renkoù ar Filistined. Hag e lavaras an hevelep komzoù, ha David a glevas anezho.

1 Samuel 17:3

Ar Filistined a oa war ur menez eus un tu, an Israeliz a oa war ur menez eus an tu all, hag edo an draonienn etrezo.

1 Samuel 17:5

Un tokarn arem a oa war e benn, hag e oa gwisket gant un hobregon skantek. Pouez an hobregon-se a oa pemp mil sikl arem.

1 Samuel 27:4

Hag e voe lavaret da Saül e oa aet David betek Gad. Hag e paouezas da redek war e lerc'h.