1 Samuel 17:10 - Bibl Koad 21: Ar Bibl e Brezhoneg evit ar Vretoned

¹⁰ Ar Filistin a lavaras: Dismegañset em eus hiziv bagadoù renket Israel! Roit din un den, hag en em gannimp etrezomp.

1 Samuel 17:10 Referencias Cruzadas

2 Samuel 21:21

An den-mañ a zismegañsas Israel, met Jonatan mab Shimea, breur David, a lazhas anezhañ.

2 Samuel 23:9

Goude hemañ e oa Eleazar mab Dodo an Akokiad, unan eus an tri den kadarn a oa gant David pa vezhekajont ar Filistined dastumet eno evit an emgann, ha ma en em denne re Israel war an uhelennoù.

2 Rouned 19:4

Marteze an AOTROU da Zoue en deus klevet holl gomzoù Rabshake, kaset gant roue Asiria e vestr da zismegañsiñ an Doue bev, ha marteze an AOTROU da Zoue a gastizo ar c'homzoù en deus klevet. Gra sevel eta ur bedenn evit an nemorant a zo manet c'hoazh.

Nehemia 2:19

Met Samballad an Horonad, Tobija ar servijer Ammonad, ha Geshem an Arab, o vezañ klevet-se, a rejont goap ouzhimp hag hon disprizas o lavarout: Petra a rit? En em sevel a rit a-enep ar roue?

Krennlavarioù 16:18

An ourgouilh a gas dirak an distruj, hag ur spered lorc'hus dirak an diskar.

Jeremiaz 9:23

Evel-henn e komz an AOTROU: Ra ne fougeo ket ar fur gant e furnez, ra ne fougeo ket ar c'hreñv gant e nerzh, ra ne fougeo ket ar pinvidig gant e binvidigezh,

Daniel 4:37

Bremañ eta, me Nebukadnezar a veul, a uhela hag a ro gloar da Roue an neñvoù, a zo reizh e holl oberennoù hag eeun e hentoù. Eñ a c'hell izelaat ar re a gerzh gant lorc'h.

1 Samuel 17:11

Saül hag an holl Israeliz a glevas komzoù ar Filistin, hag e voent spouronet hag o doe un aon bras.

1 Samuel 17:36

Da servijer en deus lazhet hag al leon hag an arzh, hag ar Filistin-se, an diamdroc'h-se, a vo evel unan anezho, rak dismegañset en deus armeoù an Doue bev.

1 Samuel 17:45

David a lavaras d'ar Filistin: Dont a rez a-enep din gant ar c'hleze, ar goaf hag ar skoed, met me a zeu a-enep dit en anv AOTROU an armeoù, Doue armeoù Israel, ac'h eus dismegañset.