1 Samuel 14:12 - Bibl Koad 21: Ar Bibl e Brezhoneg evit ar Vretoned

¹² Hag ar warded a grias da Jonatan ha d'an hini a zouge e armoù o lavarout: Pignit d'hor c'havout, hag e tiskouezimp deoc'h un dra bennak. Jonatan a lavaras d'an hini a zouge e armoù: Pign war va lerc'h, rak an AOTROU en deus o lakaet etre daouarn Israel.

1 Samuel 14:12 Referencias Cruzadas

Geneliezh 24:42

Pa'z on deuet hiziv d'ar vammenn, em eus lavaret: AOTROU, Doue va mestr Abraham, mar plij ganit lakaat da zont a-benn ar veaj am eus kemeret,

Geneliezh 24:48

Goude-se em eus soublet va fenn hag em eus stouet dirak an AOTROU, hag em eus benniget an AOTROU, Doue va mestr Abraham, eñ hag en deus va renet eeun da gemer merc'h breur va mestr evit e vab.

2 Samuel 5:24

Pa glevi trouz kammedoù war-lein ar mouarennoù, neuze hast buan, rak an AOTROU a vo aet er-maez dirazout evit skeiñ war gamp ar Filistined.

2 Rouned 14:8

Amazia a gasas kannaded da gavout Joaz mab Joakaz, mab Jehu, roue Israel, da lavarout dezhañ: Deus, ma en em welimp a-dal!

Ar Varnerien 4:14

Debora a lavaras da Varak: Sav, rak setu an deiz m'en deus an AOTROU lakaet Sisera etre da zaouarn. An AOTROU, ha ne gerzh ket dirazout? Ha Barak a ziskennas eus Menez Tabor, gant dek mil den war e lerc'h.

Ar Varnerien 7:14

E genseurt a respontas hag a lavaras: N'eo kement-se nemet kleze Gedeon mab Joaz, den Israel. Doue en deus lakaet Madian hag ar c'hamp-mañ en e zorn.

Ar Varnerien 7:15

P'en doe klevet Gedeon displegadur an huñvre hag e ster, e stouas hag e tistroas da gamp Israel, hag e lavaras: Savit, rak an AOTROU en deus lakaet kamp Madian en ho torn.

Ar Varnerien 9:54

Gervel a reas diouzhtu an den yaouank a zouge e armoù, hag e lavaras dezhañ: Tenn da gleze ha va lazh, gant aon na vefe lavaret ac'hanon: Ur vaouez he deus e lazhet. An den yaouank a doullas anezhañ, hag e varvas.

1 Samuel 14:10

Met mar lavaront deomp: Deuit d'hor c'havout! neuze ez aimp, rak an AOTROU en devo o lakaet etre hon daouarn. Un arouez a vo kement-se deomp.

1 Samuel 14:13

Jonatan a bignas oc'h en em sikour gant e zaouarn hag e dreid, an hini a zouge e armoù war e lerc'h. Ar Filistined a gouezhjont dirak Jonatan, hag an hini a zouge e armoù o lazhas war e lerc'h.