1 Samuel 14:10 - Bibl Koad 21: Ar Bibl e Brezhoneg evit ar Vretoned

¹⁰ Met mar lavaront deomp: Deuit d'hor c'havout! neuze ez aimp, rak an AOTROU en devo o lakaet etre hon daouarn. Un arouez a vo kement-se deomp.

1 Samuel 14:10 Referencias Cruzadas

Geneliezh 24:14

Ar plac'h yaouank ma lavarin dezhi: Izela, me az ped, da bod evit ma'c'h evin, hag a responto: Ev ha me a zouraio ivez da gañvaled, ra vo houmañ an hini ac'h eus dibabet evit da servijer Izaak! Hag ec'h anavezin dre eno e tiskouezez madelezh e-keñver va mestr.

2 Rouned 20:9

Izaia a lavaras: Setu evidout an arouez a-berzh an AOTROU, penaos e seveno an AOTROU ar gomz en deus disklêriet: Ar skeud, ha mont a raio a-raok a zek derez, pe souzañ a-dreñv a zek derez?

Ermaeziadeg 3:12

Hag e lavaras: Me a vo ganit, ha setu amañ evit sin dit eo me a gas ac'hanout: Pa ez po degaset va fobl kuit eus an Ejipt, e servijot Doue war ar menez-mañ.

Ar Varnerien 6:36

Gedeon a lavaras da Zoue: Mar fell dit dieubiñ Israel dre va dorn, evel ma ec'h eus lavaret,

Ar Varnerien 7:11

Hag e klevi ar pezh a lavarint ha da zaouarn a vo nerzhet; diskenn d'ar c'hamp. Diskenn a reas eta gant Pura e servijer, betek gward a-raok ar c'hamp.

1 Samuel 10:7

Ha pa c'hoarvezo an arouezioù-se ganit, gra kement a gavo da zorn, rak Doue a zo ganit.

1 Samuel 14:9

Mar lavaront deomp: Gortozit betek ma vimp aet d'ho kavout! neuze ec'h arsavimp, ha ned aimp ket etrezek enno.