1 Samuel 12:5 - Bibl Koad 21: Ar Bibl e Brezhoneg evit ar Vretoned

⁵ Hag e lavaras dezho: An AOTROU a zo test a-enep deoc'h, e olevad ivez a zo test hiziv, n'hoc'h eus kavet netra etre va daouarn. Hag e respontjont: Test eo.

1 Samuel 12:5 Referencias Cruzadas

Geneliezh 31:50

Mar gwallgasez va merc'hed ha mar kemerez gwragez all nemet va merc'hed, setu, n'eus den ganeomp met Doue a vo test etrezon-me ha te!

Levr Job 16:19

Ha bremañ, setu, va zest a zo en neñv, va diwaller el lec'hioù uhelañ.

Levr Job 42:7

Ha goude m'en doe lavaret an AOTROU ar c'homzoù-se da Job, e lavaras an AOTROU da Elifaz eus Teman: Va fulor a zo entanet a-enep dit hag a-enep da zaou vignon, rak n'hoc'h eus ket komzet diwarnon en un doare reizh, evel va servijer Job.

Salmoù 17:3

Furchet ec'h eus va c'halon, va gweladennet ec'h eus en noz, va amprouet ec'h eus, ne gavez netra. Va c'homz n'eo ket aet en tu all da'm soñj.

Ermaeziadeg 22:4

Mard eo kavet bev en e zaouarn ar pezh a zo bet laeret, pe ejen, pe azen, pe oan, e taskoro an daougementad.

Sant Ian 18:38

Pilat a lavaras dezhañ: Petra eo ar wirionez? Ha goude m’en doa lavaret kement-se, ez eas a-nevez da gavout ar Yuzevien hag e lavaras dezho: Ne gavan torfed ebet ennañ.

Actou an Ebestel 23:9

Bez’ e voe un drouz vras war-se. Skribed kostez ar farizianed o sevel a dabutas hag a lavaras: Ne gavomp droug ebet en den-se. Mar en deus ur spered pe un ael komzet outañ, na reomp ket a vrezel a-enep Zoue.

Actou an Ebestel 24:16

Abalamour da gement-se eo e labouran evit kaout atav ur goustiañs divlam dirak Doue ha dirak an dud.

Actou an Ebestel 24:20

Pe ra zisklêrio ar re-mañ eus petra o deus va c’havet kablus pa’z on bet lakaet dirak ar sanedrin,

1 Korintiz 4:4

rak n’en em gavan kablus a netra. Koulskoude n’on ket reishaet abalamour da-se, met an hini a varn ac’hanon eo an Aotrou.

2 Korintiz 1:12

Rak ar pezh a ra hor gloar eo en testeni-mañ eus hor c’houstiañs penaos omp en em renet er bed, ha dreist-holl en ho keñver, gant eeunder ha gwirionded dirak Doue, nann gant ur furnez kigel, met gant gras Doue.

1 Samuel 12:4

Hag e respontjont: Ne'c'h eus ket graet gaou ouzhimp, ne'c'h eus ket hor gwasket, ne'c'h eus kemeret netra eus dorn den.

1 Samuel 26:9

Ha David a lavaras da Abishai: N'e laka ket d'ar marv! Rak piv a lakafe e zorn war olevad an AOTROU , hag a vefe digastiz?