1 Samuel 11:7 - Bibl Koad 21: Ar Bibl e Brezhoneg evit ar Vretoned

⁷ Hag e kemeras ur yevad ejened, hag o droc'has a-dammoù, a gasas dre holl vro Israel dre gannaded en ur lavarout: Graet e vo evel-se da ejened ar re na zeuint ket war-lerc'h Saül ha Samuel. Ha spont an AOTROU a gouezhas war ar bobl, hag e teujont er-maez evel un den hepken.

1 Samuel 11:7 Referencias Cruzadas

Geneliezh 35:5

Goude-se ez ejont kuit. Doue a skoas a spont ar c'hêrioù a oa en-dro dezho ha n'ejont ket war-lerc'h mibien Jakob.

2 Danevelloù 14:14

Skeiñ a rejont war an holl gêrioù war-dro Gerar, rak doujañs an AOTROU a oa warno. Hag e tiwiskjont an holl gêrioù-se, rak ur breizhadeg vras a oa enno.

2 Danevelloù 17:10

Doujañs an AOTROU a voe war holl rouantelezhioù ar broioù a oa en-dro da Juda, ha ne rejont ket brezel da Jozafad.

2 Danevelloù 19:7

Bremañ ra vo doujañs an AOTROU warnoc'h. Taolit evezh ouzh ar pezh a reot, rak n'eus ket a zireizhder en AOTROU hon Doue, ne ra van eus diavaez an den, nag eus degemeridigezh a brofoù.

Izaia 8:13

Santelait AOTROU an armeoù, ra vo-eñ ho toujañs hag ho spouron.

Ar Varnerien 19:29

O vezañ erruet er gêr, e kemeras ur gontell, e krogas en e serc'h, hag e troc'has anezhi ezel dre ezel gant an eskern e daouzek tamm, a gasas en holl zouar Israel.

Ar Varnerien 20:1

Neuze holl vibien Israel a zeuas er-maez, adalek Dan betek Beer-Sheba ha betek bro C'halaad, hag ar vodadenn en em zastumas evel un den hepken dirak an AOTROU e Mizpa.