1 Rouaned 8:6 - Bibl Koad 21: Ar Bibl e Brezhoneg evit ar Vretoned

⁶ An aberzhourien a zougas arc'h emglev an AOTROU d'e lec'h, e santual an ti, d'al lec'h santel-meurbet, dindan eskell ar cherubined.

1 Rouaned 8:6 Referencias Cruzadas

2 Samuel 6:17

Degas a rejont eta arc'h an AOTROU, hag e lakajont anezhi en e lec'h, e-kreiz an deltenn en doa savet David. Ha David a ginnigas loskaberzhoù hag aberzhoù a drugarekadennoù dirak an AOTROU.

2 Samuel 6:2

David a savas hag a yeas, kenkoulz hag an holl bobl a oa gantañ, eus Baale-Juda, evit degas ac'hane arc'h Doue, a vez galvet an anv dirazi, anv AOTROU an armeoù a zo o chom etre ar cherubined.

1 Rouaned 6:16

Lakaat a reas, war ugent ilinad e foñs an ti, plenk sedrez, kenkoulz war al leur ha war ar mogerioù, hag e reas en diabarzh eus al lec'h-se ar santual, al lec'h santel-meurbet.

1 Rouaned 6:19

Diwar-benn ar santual, e lakaas anezhañ en diabarzh an ti, etrezek ar foñs, evit lakaat ennañ arc'h emglev an AOTROU.

1 Rouaned 6:27

Hag e lakaas ar cherubined e-barzh an ti, etrezek ar foñs, hag e voe astennet eskell ar cherubined, e doare ma stoke askell unan anezho ouzh ar voger, hag askell ar cherubin all ouzh ar voger all, hag en em stoke o eskell, unan ouzh egile, e-kreiz an ti.

1 Rouaned 8:3

Holl henaourien Israel a zeuas, hag an aberzhourien a zougas an arc'h.

1 Rouaned 8:4

Dougen a rejont arc'h an AOTROU, teltenn an engalv, hag an holl listri santel a oa en deltenn. An aberzhourien hag al Levited a zougas anezho.

1 Rouaned 8:7

Rak ar cherubined a astenne o eskell war lec'h an arc'h, hag ar cherubined a c'holoe an arc'h hag he barrennoù, a-zioc'h.

1 Danevelloù 22:19

Bremañ lakait ho kalonoù hag hoc'h ene da glask an AOTROU ho Toue, savit, grit ur santual d'an AOTROU Doue, evit degas arc'h emglev an AOTROU ha listri santel Doue d'an ti a zle bezañ savet da anv an AOTROU .

2 Danevelloù 5:7

An aberzhourien a zougas arc'h emglev an AOTROU d'e lec'h, e santual an ti, d'al lec'h santel-meurbet, dindan eskell ar cherubined.

Salmoù 80:1

D'ar mestr-kaner; salm Azaf; war "Shoshanim-Edud".

Salmoù 80:2

Mêsaer Israel, ro da skouarn. Te hag a ren Jozef evel un tropell, te hag a azez etre ar Cherubined, laka da splannder da lugerniñ.

Salmoù 99:1

An AOTROU a ren, ra greno ar pobloù! Azezet eo etre ar cherubined, ra vrañsello an douar.

Ermaeziadeg 37:9

Ar cherubined a astenne o eskell d'an nec'h, o c'holeiñ gant o eskell al lec'h-a-drugarez, hag o dremmoù a oa an eil etrezek egile. Dremmoù ar cherubined a oa troet etrezek al lec'h-a-drugarez.

Izaia 37:16

AOTROU an armeoù, Doue Israel, te hag a zo o chom etre ar cherubined! Te hepken, te eo Doue holl rouantelezhioù an douar, te ac'h eus graet an neñvoù hag an douar!

Ezekiel 10:5

Hag e veze klevet trouz eskell ar cherubined betek leurenn an diavaez, heñvel ouzh mouezh an Doue holl-c'halloudek pa gomz.

Ezekiel 41:4

Hag e vuzulias, e diaraog an templ, e hirder, ugent ilinad, e ledander, ugent ilinad, hag e lavaras din: Emañ Sant ar sent el lec'h-mañ.

1 Samuel 4:4

Ar bobl a gasas eta da Silo, a-belec'h e voe degaset arc'h emglev AOTROU an armeoù, a zo o chom etre ar cherubined. Ha daou vab Eli, Hofni ha Fineaz, a oa eno gant arc'h emglev Doue.