1 Rouaned 21:8 - Bibl Koad 21: Ar Bibl e Brezhoneg evit ar Vretoned

⁸ Hag e skrivas lizhiri en anv Akab, hag e siellas anezho gant e siell, hag e kasas al lizhiri d'an henaourien ha d'ar pennoù a oa o chom gant Nabod en e gêr.

1 Rouaned 21:8 Referencias Cruzadas

1 Rouaned 20:7

Neuze roue Israel a c'halvas holl henaourien ar vro hag a lavaras: Eveshait mar plij, gwelit penaos an den-se ne glask nemet droug. Kaset en doa da'm c'havout, evit kaout va gwragez, va mibien, va arc'hant ha va aour, ha ne'm boa ket o nac'het outañ.

1 Rouaned 21:1

Goude an traoù-se, Nabod eus Jizreel o kaout ur winienn e Jizreel, e-kichen palez Akab roue Samaria,

1 Rouaned 21:9

Hag e skrivas el lizheroù ar gerioù-mañ: Embannit ur yun ha lakait Nabod e penn ar bobl.

2 Rouned 10:11

Jehu a lakaas ivez d'ar marv an holl re a vane eus ti Akab e Jizreel, an holl re vras, e vignoned hag e ofiserien, betek na vanas den a nemorant.

2 Danevelloù 32:17

Skrivañ a reas lizhiri evit dismegañsiñ an AOTROU Doue Israel, o komz evel-henn a-enep dezhañ: Evel ma n'o deus ket gallet doueoù broadoù ar broioù all dieubiñ o fobl diouzh va dorn, evel-se Doue Ezekiaz ne c'hello ket dieubiñ e bobl diouzh va dorn.

Ezdra 4:11

Setu amañ eilskrid al lizher a gasjont: D'ar roue Artakserksez! Da servijerien, an dud eus an tu-mañ d'ar stêr, hag all...

Nehemia 6:5

Neuze Samballad a gasas da'm c'havout e servijer, evit lavarout din ar c'homzoù-se ur bempvet gwech, hag en doa en e zorn ul lizher digor,

Niveroù 11:16

An AOTROU a lavaras da Voizez: Dastum din dek den ha tri-ugent a-douez henaourien Israel, a anavezez evel henaourien ar bobl hag o vezañ perzh warno; degas anezho da deltenn an engalv, ma en em zalc'hint eno ganit.

Mazhev 27:66

Mont a rejont eta kuit hag e lakajont e surentez ar bez en ur siellañ ar maen hag o lakaat gwarded war e dro.

Levr Rud 4:11

An holl bobl a oa ouzh an nor, hag an henaourien a lavaras: Ni a zo testoù! Ra lakaio an AOTROU ar wreg a ya ez ti heñvel ouzh Rachel hag ouzh Lea, o deus savet o-div ti Israel! Bleugn en Efrata, ha ra vo brudet da anv e Betlehem!

Levr Rud 4:2

Hag e kemeras dek den a-douez henaourien kêr, hag e lavaras dezho: Azezit amañ! Hag ec'h azezjont.