1 Rouaned 2:6 - Bibl Koad 21: Ar Bibl e Brezhoneg evit ar Vretoned

⁶ Ober a ri hervez da furnez, ha ne lezi ket diskenn e peoc'h e vlev gwenn da lec'h ar marv.

1 Rouaned 2:6 Referencias Cruzadas

Geneliezh 42:38

Respont a reas: Va mab ne ziskenno ket ganeoc'h rak e vreur a zo marv, hag hemañ a chom e-unan. Ma c'hoarvezfe gwalleur gantañ en hent emaoc'h o vont, e lakafec'h va blev gwenn da ziskenn gant glac'har e lec'h ar marv.

Geneliezh 9:5

Hag a-dra-sur me a adc'houlenno ho kwad, hini hoc'h eneoù. E c'houlenn a rin digant pep loen. Me a adc'houlenno ene an den eus dorn an den, eus dorn e vreur.

Geneliezh 9:6

An hini a skuilho gwad an den, dre an den e wad a vo skuilhet, rak Doue en deus graet an den en e skeudenn.

2 Samuel 3:39

Ha me a zo dinerzh hiziv, petra bennak ma'z on bet olevet da roue. Hag an dud-se, mibien Zeruja, a zo re c'halloudek evidon. Ra roio an AOTROU d'an hini en deus graet an droug hervez e zrougiezh!

1 Rouaned 2:7

Diwar-benn mibien Barzilhai ar Galaadad, e vi madelezhus en o c'heñver, hag e vint gant ar re a zebro ouzh da daol, rak deuet int etrezek ennon pa dec'hen dirak Absalom da vreur.

1 Rouaned 2:9

Bremañ eta, ne lezi ket anezhañ digastiz, rak fur ez out evit gouzout ar pezh az po d'ober dezhañ. Lakaat a ri e vlev gwenn merket gant gwad da ziskenn da lec'h ar marv.

1 Rouaned 3:12

setu, e ran hervez da gomzoù. Setu ma roin dit ur galon fur ha poellek, e doare ma ne vo ket bet unan heñvel ouzhit a-raok dit, ha ne vo ket unan heñvel ouzhit ez koude.

2 Rouned 22:20

Setu perak ez an da zastum ac'hanout gant da dadoù, hag e vi dastumet e peoc'h ez pez, ha da zaoulagad ne welint ket an holl zroug ez an da lakaat da vont war al lec'h-mañ. Hag e tegasjont ar gomz-se d'ar roue.

Salmoù 37:37

Evesha an den eeun, sell ouzh an den reizh, rak bez' ez eus un dazont evit an den a beoc'h.

Krennlavarioù 20:26

Ar roue fur a bella ar re zrouk, hag a laka ar rod da dreiñ warno.

Krennlavarioù 28:17

An den a zo karget gant gwad unan all a dec'ho betek ar poull, ra ne zalc'ho den anezhañ!

Ar Prezeger 8:11

Dre ma n'eo ket sevenet buan ar setañs a-enep an oberoù fall, kalon an dud a zo leun a c'hoant d'ober an droug.

Izaia 48:22

N'eus peoc'h ebet evit ar re zrouk, eme an AOTROU.

Izaia 57:2

Mont a raio er peoc'h. Diskuizhañ a raio war e wele an hini en devo kerzhet war an hent eeun.

Izaia 57:21

N'eus ket a beoc'h evit ar re zrouk, eme va Doue.

Izaia 65:20

Ne vo ken eno ur bugel pe ur c'hozhiad n'en devo ket peurc'hraet e zeizioù, rak an hini a varvo oadet a gant vloaz a vo yaouank, met ar pec'her hag a vo oadet a gant vloaz a vo milliget.

Niveroù 35:33

Ne gousiot ket ar vro ma viot o chomo enni, rak ar gwad a gousi ar vro. Ha ne vo ket graet dic'haou evit ar vro eus ar gwad a vo bet skuilhet enni, nemet dre wad an hini en devo e skuilhet.