1 Rouaned 2:2 - Bibl Koad 21: Ar Bibl e Brezhoneg evit ar Vretoned

² Mont a ran dre hent an holl zouar. En em greñva, ha bez un den.

1 Rouaned 2:2 Referencias Cruzadas

2 Samuel 10:12

Bez kreñv, diskouezomp kalon evit hor pobl hag evit kêrioù hon Doue. Ra vo graet gant an AOTROU evel ma kavo mat.

2 Samuel 12:23

Met bremañ pa'z eo marv, perak e yunfen? Hag-eñ e c'hellfen ober dezhañ distreiñ? Me a yelo war e lerc'h, met eñ ne zistroio ket etrezek ennon.

1 Rouaned 3:7

Ha bremañ, AOTROU va Doue, lakaet ec'h eus da servijer da ren e lec'h David va zad, ha n'on nemet un denig yaouank, n'ouzon ket penaos en em ren.

1 Danevelloù 22:13

Neuze e ri berzh, mard out evezhiek d'ober diouzh ar reolennoù hag ar barnedigezhioù en deus urzhiet an AOTROU da Voizez evit Israel. En em galoneka ha bez kreñv, na spont ket ha na'z pez ket aon.

1 Danevelloù 22:16

An aour, an arc'hant, an arem hag an houarn a zo diniver. Sav ha gra! Ha ra vo an AOTROU ganit!

1 Danevelloù 28:10

Taol evezh bremañ, an AOTROU en deus da zibabet evit sevel un ti evel santual. En em galoneka, ha dit da labourat.

1 Danevelloù 28:20

David a lavaras eta da Salomon: En em galoneka ha bez kreñv, ha dit da labourat; na spont ket ha na'z pez ket aon, rak an AOTROU Doue, va Doue, a vo ganit, ne zilaosko ket ac'hanout, ne zilezo ket ac'hanout, ken na vo echuet ganit an holl labour evit servij ti an AOTROU .

Levr Job 16:22

Rak ar bloavezhioù a zo niveret din hag e tec'hont; mont a ran war an hent hep distro.

Levr Job 30:23

Gouzout a ran e kasi ac'hanon d'ar marv, d'al lec'h merket evit an holl re vev.

Salmoù 89:48

Az pez soñj pegen berr eo va amzer, hag evit pebezh distervez ec'h eus krouet mibien an dud.

Ar Prezeger 12:13

Selaouomp kentel an holl brezegenn-mañ: Douj Doue ha mir e c'hourc'hemennoù, rak setu aze holl zlead an den.

1 Korintiz 16:13

Beilhit, chomit start er feiz, en em renit evel tud, en em greñvait.

Efeziz 6:10

A-hend-all, va breudeur, en em greñvait en Aotrou ha dre e nerzh holl c’halloudek.

Adlezenn 31:23

Hag e roas urzhioù da Jozue mab Nun o lavarout: En em galoneka ha bez kreñv! Rak te a zereno mibien Israel d'ar vro am eus touet dezho, ha me a vo ganit.

1 Timote 4:12

Ra ne zisprizo den da yaouankiz, met bez ur skouer d’ar gredourien, dre ar ger, dre ar gundu, dre ar garantez, dre ar spered, dre ar feiz, dre ar c’hlanded.

2 Timote 2:1

Te eta va mab, en em greñva er c’hras a zo e Jezuz-Krist.

Hebreed 9:27

Hag evel ma’z eo ret d’an dud mervel ur wech, ha goude-se e teu ar varnedigezh,

Jozue 23:14

Ha setu, mont a ran hiziv dre hent an holl douar. Gouzout a rit eus hoc'h holl galon hag eus hoc'h holl ene, penaos n'eo ket kouezhet ur gomz hepken eus an holl gomzoù mat en deus lavaret evidoc'h an AOTROU ho Toue. Kement tra eo peurc'hraet evidoc'h, n'eo ket kouezhet ur gomz hepken.