1 Rouaned 16:9 - Bibl Koad 21: Ar Bibl e Brezhoneg evit ar Vretoned

⁹ E servijer Zimri, penn an hanter eus e girri, en em savas en e enep pa oa e Tirza oc'h evañ hag o vezviañ e ti Arza, mestr e servijerien e Tirza.

1 Rouaned 16:9 Referencias Cruzadas

Geneliezh 15:2

Abram a respontas: AOTROU Doue, petra a roi din? Me a ya hep bugale, hag an hini a vo va zi dezhañ eo Eliezer a Zamask.

Geneliezh 24:10

Ar servijer a gemeras dek kañval a-douez kañvaled e vestr hag a yeas kuit, o kas gantañ pep seurt madoù digant e vestr etre e zaouarn. Sevel a reas eta hag a yeas e Mezopotamia, e kêr Nakor.

Geneliezh 24:2

Abraham a lavaras d'e servijer, an hini koshañ en e di, an hini a oa mestr war kement a oa dezhañ: Laka, me az ped, da zorn dindan va morzhed,

Geneliezh 39:4

Jozef a gavas trugarez dirak e zaoulagad hag a servijas anezhañ. Lakaet e voe da vestr war e di, ha kement en doa a voe etre e zaouarn.

Geneliezh 39:9

Den n'eo uheloc'h en ti-mañ egedon ha n'en deus difennet ouzhin stekiñ ouzh tra ebet nemet ouzhit-te, dre ma'z out e wreg. Penaos e rafen un droug ken bras hag e pec'hfen a-enep Doue?

1 Rouaned 15:27

Baesha mab Akija, eus ti Isakar, en em savas en e enep, ha Baesha a skoas warnañ e Gibbeton, a oa d'ar Filistined, e-pad ma sezize Gibbeton Nadab hag holl Israel.

1 Rouaned 16:10

Zimri a zeuas, a skoas warnañ hag a lazhas anezhañ, er seizhvet bloaz warn-ugent eus Asa roue Juda, hag e renas en e lec'h.

1 Rouaned 16:8

Er c'hwec'hvet bloaz warn-ugent eus Asa roue Juda, e teuas Ela mab Baesha da roue war Israel e Tirza, hag e renas daou vloaz.

1 Rouaned 18:3

Akab a c'halvas Abdia, mestr e servijerien. Abdia a zouje kalz an AOTROU,

1 Rouaned 20:12

Pa glevas Ben-Hadad ar respont, e oa oc'h evañ gant ar rouaned en teltennoù, hag e lavaras d'e servijerien: Kit d'ho lec'hioù! Hag en em rankjont d'o lec'hioù a-enep kêr.

1 Rouaned 20:16

Hag ez ejont er-maez da greisteiz, pa'c'h eve hag en em vezve Ben-Hadad en teltennoù, eñ hag an daou roue ha tregont a skoazelle anezhañ.

2 Rouned 12:20

E servijerien, o vezañ en em savet, a rejont un irienn hag a skojont war Joaz e ti Milho, e traonienn Silla.

2 Rouned 15:10

Ha Shallum mab Jabez a iriennas a-enep dezhañ, a skoas warnañ dirak ar bobl, hag a lazhas anezhañ. Hag e teuas da roue en e lec'h.

2 Rouned 15:25

Ha Pekak mab Remalia, e ofiser, a iriennas a-enep dezhañ hag a skoas warnañ e Samaria, e palez ti ar roue, gant Argob hag Arie, hag hanter-kant den gantañ a-douez mibien ar C'halaadiz. Evel-se e lazhas anezhañ hag e renas en e lec'h.

2 Rouned 15:30

Hag Ozea mab Ela a iriennas a-enep Pekak mab Remalia, a skoas warnañ, hag en lazhas. Dont a reas da roue en e lec'h en ugentvet bloaz eus Jotam mab Ozia.

2 Rouned 9:14

Evel-se, Jehu mab Jozafad mab Nimshi a iriennas a-enep Joram. Joram a ziwalle Ramod-Galaad, eñ hag holl Israel, a-enep Hazael roue Siria.

Krennlavarioù 31:4

N'eo ket d'ar rouaned, Lemuel, n'eo ket d'ar rouaned evañ gwin, na d'ar briñsed an evaj kreñv,

Jeremiaz 51:57

Mezviñ a rin he friñsed, he furien, he gouarnerien, he fennoù, he c’hadarnidi; kousket a raint eus ur c'housk peurbadus, ha ne zihunint ken, eme ar Roue a zo e anv AOTROU an armeoù.

Daniel 5:30

D'an noz-se, Belshazar roue ar Galdeiz a voe lazhet.

Nahum 1:10

Rak, pa vefent kenweet evel spern, ha mezv en o gwin, peurlonket e vint evel plouz sec'h.

Sant Lucas 21:34

Lakait eta evezh ouzhoc’h, gant aon na zeufe ho kalonoù da vezañ pounneraet gant an dirollerezh, gant ar vezventi ha gant prederioù ar vuhez-mañ, ha na zeufe an deiz-se warnoc’h a-daol-trumm.